MNS Andolan: मुंबई-गोवा महामार्गावरील खड्ड्यांवरून मनसे आक्रमक; भाजपच्या मंत्र्यांना दाखवले काळे झेंडे

MNS News:

मुंबई-गोवा महामार्गाच्या मुद्द्यावरून मनसे कार्यकर्ते पुन्हा एकदा आक्रमक झाले आहेत. सार्वजनिक बांधकाम विभागाचे अभियंता आणि कर्मचाऱ्यांचा आज सरकारकडून सत्कार करण्यात आला. अभियंता दिनानिमित्त विशेष कार्यक्राम घेण्यात आला होता. या कार्यक्रमात मनसेने जोरदार आंदोलन केलं आहे. (Latest Marathi News)

मुंबई ते षण्मुखानंद सभागृहाबेर मनसेने आंदोलन केलं आहे. मुंबई गोवा महामार्ग पूर्ण करावा या मागणीसाठी मनसेने संदिप देशपांडे यांच्या नेतृत्वात हे आंदोलन केले . जर 'कामंच झालेलं नाही तर तुम्ही यांचे सत्कार कसले करता? असा सवाल मनसे कार्यकर्त्यांनी उपस्थित केला. मुंबई गोवा महामार्गावरच्या एकाच लेनचे काम झाले आहे मात्र त्यावरही खड्डे पडलेत, असेही आंदेलनकर्त्यांनी म्हटले आहे.

या कार्यक्रमास रवींद्र चव्हाण देखील उपस्थित होते. मनसेकडून त्यांच्या विरोधत घोषणाबाजी करण्यात आली. तसेच त्यांना काळे झेंडे देखील दाखवण्यात आले. आंदोलनाची माहिती पोलिसांना मिळताच पोलीस आंदोलनस्थळी दाखल झाले. पोलिसांनी संदीप देशपांडे यांना ताब्यात घेतलं आहे. तसेच अन्य सर्व कार्यकर्त्यांना देखील ताब्यात घेण्यात आलं आहे. मनसेचे आंदोलन सुरू असताना पोलिसांकडून आंदोलकांची धरपकड करण्यात आलीये.