राज ठाकरेंनी बाळासाहेबांच्या भाषणाचा 'तो' व्हिडिओ केला शेअर

मुंबई: मनसे अध्यक्ष राज ठाकरेंनी शिवसेनेचे संस्थापक दिवंगत बाळासाहेब ठाकरे यांच्या एक जूना व्हिडिओ (Video) शेयर केला आहे. यात दिवंगत बाळासाहेब ठाकरे (Balasaheb Thackeray) यांनी रस्त्यावर केल्या जाणाऱ्या नमाजबाबत आपली भूमिका स्पष्ट केली होती. सध्या राज ठाकरेंनीही (Raj Thackeray) बाळासाहेबांप्रमाणेच मशिदींवरील (Masjid) भोंग्यांबाबत भूमिका घेतली आहे. मात्र राज ठाकरेंकडून बाळासाहेब ठाकरेंच्या हा व्हिडिओ पोस्ट करुन शिवसेनेला डिवचायचा प्रयत्न आहे का असा सवाल उपस्थित होतोय. (MNS Chief Raj Thackeray Tweet old video of late Balasaheb Thackerays about the masjid loudspeaker)

हे देखील पाहा -

दरम्यान राज्यातील अनेक मशिदींमध्ये सकाळची अजान ही भोंग्याविनाच झाली. तर ज्याठिकाणी मशिदींवरील भोंग्यावर अजान झाली त्याठिकाणी मनसेच्या कार्यकर्त्यांनी स्पीकरवर हनुमान चालीसा लावली. ४ मे नंतर जर मशिदींवरील भोंग्यावर सरकारकडून कारवाई झाली नाही तर आपण मशिदींसमोर हनुमान चालीसा लावणार असल्याचं मनेसकडून सांगण्यात आलं होतं. आज मनसेने दिलेला तो अल्टिमेटमची मुदत संपली असल्याने राज्यभरात मनसेचं आंदोलन सुरु आहे.

Edited By - Akshay Baisane