मुंबई: मनसे नेते संदीप देशपांडे आणि संतोष धुरी यांना मुंबई सत्र न्यायालयाने जामीन मंजूर करत मोठा दिलासा दिला आहे. गेले अनेक दिवस हे दोघेही नेते भूमीगत होते. मनसे (MNS) नेते संदीप देशपांडे,(Sandeep Deshpande) संतोष धुरी (Santosh Dhuri) यांना पोलिसांकडून ताब्यात घेतले जात होते, त्यावेळी दोन्ही नेत्यांनी वाहनानं पळ काढला. त्यावेळी त्यांच्या वाहनाच्या धक्क्यानं एक महिला पोलीस जखमी झाली, असा आरोप त्यांच्यावर करण्यात आला. त्यामुळे दोघांच्या विरोधात गुन्हा दाखल झाला. सदर घटना ४ मे रोजी राज ठाकरे यांच्या घराबाहेर घडली होती. त्यानंतर दोन्ही नेत्यांनी कोर्टात धाव घेतली होती. आज त्यांच्या अटकपूर्व जामीन अर्जावर सुनावणी होती. अखेर त्यांना अटकपूर्व जामीन (Bail) मिळाल्यानं त्याना मोठा दिलासा मिळाला आहे. (MNS leader Sandeep Deshpande, Santosh Dhuri granted bail)
हे देखील पाहा -
संदीप देशपांडे यांच्यावर गुन्हा दाखल झाल्यावर त्यांनी मुंबई सत्र न्यायालयात धाव घेतली होती. देशपांडे यांनी अटकपूर्व जामीनसाठी सत्र न्यायालयात अर्ज दाखल केला होता. त्यानंतर ते भूमीगत होते. यादरम्यान त्यांनी व्हिडिओद्वारे पोलिसांना आवाहनही केले होते.
व्हिडिओत काय म्हणाले होते संदीप देशपांडे ?
संदीप देशपांडे आपल्या व्हिडिओत म्हणाले होते की, आम्ही सरकारच्या विरोधात बोलतो. मुख्यमंत्र्यी उद्धव ठाकरे यांच्याविरोधात बोलतो. संजय राऊतांच्या विरोधात बोलतो. आम्ही जेलला घाबरत नाही. आम्ही पोलीस कस्टडीला घाबरत नाही. जी कायदेशीर प्रक्रिया आहे ती आम्ही पूर्ण करायला तयार आहोत. ज्या ज्या वेळेला आंदोलनं केली त्या त्या वेळेला हजर झालोय. पण अशा पद्धतीने खोटे गुन्हे दाखल करणार असला तर मी सहन करणार नाही. माझी पोलिसांना विनंती आहे. माझी बायको घरी असते आणि ६ वर्षांचा मुलगा असतो. पुरुष पोलीस म्हणून तुम्ही रात्री बारा वाजता घुसण्याचा प्रयत्न करता, ते कृपया करु नका. पोलिसांत पोलिसांसारखे वागा. मी घरी नाहीये. मी कायदेशीर सल्ला घेतोय. कायदेशीर सल्ल्यानुसार मी वागेल आणि किती दिवस मला जेलमध्ये ठेवणार ? मी त्या गोष्टीला घाबरत नाही. कायदेशीर प्रक्रिया पूर्ण करायला तयार आहे. खोटे गुन्हे मी सहन करणार नाही. माझा न्यायालयावर आणि कायद्यावर पूर्ण विश्वास आहे असं संदीप देशपांडे आपल्या व्हिडिओत म्हणाले होते.
शिवतीर्थाबाहेर नेमकं काय घडलं होतं?
संदीप देशपांडे, संतोष साळी आणि संतोष धुरी शिवतीर्थावर दाखल झाले होते. यानंतर माध्यमांना प्रतिक्रया देत असताना पोलिसांनी त्यांना ताब्यात घेण्याचा प्रयत्न केला. या धडपडीत एका महिला पोलीस कॉन्स्टेबल मनसे नेते संतोष धुरी आणि संदीप देशपांडे यांना अडवत असताना संतोष धुरी यांनी महिला कॉन्स्टेबलला धक्का दिला, त्यामुळे त्या जमिनीवर पडल्या. अशात माध्यमकर्मींच्या गर्दीचा फायदा घेत संदीप देशपांडेंनी यातून पलायन होते. या दोन्ही नेत्यांनी पळ काढल्यानंतर पोलिसांनी इतर उपस्थित मनसे कार्यकर्त्यांना ताब्यात घेतले होते.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
