MNS on Pathaan Movie : 'पठान'चा बॉक्स ऑफिसवर डंका; पण मराठी सिनेमांची गोची, मनसेचा चित्रपटगृहांना 'खळखट्याक'चा इशारा

MNS on Pathaan Movie: तब्बल ४ वर्षांनी बॅालिवूडचा किंग खान 70 mm च्या पद्यावर परतला आहे. शाहरूखचा 'पठान' शेवटी प्रेक्षकांच्या भेटीला आला आहे. एकीकडे या सिनेमाने अॅडव्हान्स बुकिंगमधून जोरदार कल्ला केला आहे. तर रीलीज होण्याच्या पहिल्याचं दिवशी सिनेमाने जोरदार गल्ला जमवला आहे. मात्र 'पठान'च्या यशामुळे मराठी सिनेसृष्टीच्या यशस्वी वाटचालीला फटका बसत आहे. यावरून मनसेने आक्रमक भूमिका घेतली आहे. (Latest Marathi News)

'पठान' (Pathaan) सिनेमामुळे पुन्हा एकदा मराठी सिनेमाला (Marathi Movie) मल्टीप्लेक्समध्ये स्क्रीन स्पेस मिळत नाही आहे. सगळ्या चित्रपटगृहांनी किंग खानच्या 'पठान'ला सगळे शोचं देऊन टाकले आहे .

आज पिकोलो, व्हिकटोरीया आणि बांबू हे तिन्ही मराठी सिनेमे प्रदर्शित झाले आहेत. पण या कोणालाही सिनेमागृहात योग्य शोचं टाइमिंग मिळालं नाही. यावरून मनसे आता अक्रमक झाली आहे.

मनसे नेते अमेय खोपकर (Amey Khopkar) यांनी काही प्रश्न उपस्थित केले आहे. शाहरुखचा कमबॅक आहे म्हणून मल्टीप्लेक्सनी ‘बांबू’ आणि ‘पिकोलो’ या चित्रपटांचा बळी का द्यावा? ‘पठान’चं भलं करा, पण मराठी चित्रपटांनाही त्यांचा वाटा द्यायलाच पाहिजे, असं या मल्टीप्लेक्स चालकांना का वाटत नाही? असे प्रश्न मनसे नेते अमेय खोपकर यांनी उपस्थित केले आहेत.

प्रत्येकवेळा मुंबईमध्ये मराठी सिनेमालाचं काढता पाय का घ्यावा लागतो, अशी परिस्थिती मुंबईत निर्माण झाली आहे. शाहरूख , सलमान , आमीर , अजय किंवा अक्षय यांचे सिनेमे आले तर नेहमी का मराठी सिनेमाला दुजा भाव का दिला जातो. त्यामुळे मनसेला मराठी सिनेमासाठी त्यांच्या स्टाईल आंदोलन करावं लागतं, असे प्रश्न मनसेकडून उपस्थित करण्यात येत आहे.

या वादामुळे मुंबईत शाहरुखचा 'पठान' सिनेमा चांगला गल्ला कमावेल की नाही? 'पठान' सिनेमाच्या एन्ट्रीनंतर मराठी सिनेमाचं काय होणार हे पाहावं लागणार आहे.