मनसेला डोंबिवलीत धक्का; तालुका प्रमुखासह २ माजी नगरसेवक सेनेच्या वाटेवर?

यापूर्वी भाजपच्या काही माजी नगरसेवकांनी शिवसेनेत प्रवेश केला होता. त्यामुळे भाजप (BJP) नंतर सेना मनसेला खिंडार पाडण्याच्या तयारीतआहे की काय अशा चर्चा राजकीय वर्तुळात सुरु आहेत
मनसेला डोंबिवलीत धक्का; तालुका प्रमुखासह २ माजी नगरसेवक सेनेच्या वाटेवर?
MNS/ShivsenaSaam TV

डोंबिवली : कोरोना आणि त्यानंतर ओबीसी आरक्षणामुळे (OBC Reservation) महापालिका क्षेत्रातील निवडणुका पुढे ढकलल्या होत्या. मात्र सर्वोच्च न्यायालयाने आता राज्य सरकारला रखडलेल्या या सर्व निवडणुकांबाबत निर्णय घ्यायला सांगितला असल्याने त्या लवकरच पार पडणार आहेत. याच पार्श्वभूमीवर राजकीय क्षेत्रातील घडामोडींना वेग आला आहे.

सूत्रांनी दिलेल्या माहितीनुसार कल्याण डोंबिवली महापालिका (Kalyan Dombivali Municipal Corporation) क्षेत्रातील मनसेचे माजी नगरसेवक प्रभाकर जाधव (प्रभाग क्रमांक १२२ निळजे घेसर) आणि पूजा गजानन पाटील (प्रभाग क्रमांक १२१, कटाई -घरीवली) हे दोन नगरसेवक शिवसेनेत प्रवेश दाट शकत्या आहे. तसेच यावेळी कल्याण कृषी उत्पन्न बाजार समितीचे संचालक तथा मनसे (MNS) कल्याण तालुका प्रमुख गजाजन पाटील हे देखील शिवसेनेत (Shivsena) प्रवेश करणार आहेत. यापूर्वी भाजपचे काही माजी नगरसेवक यांनी शिवसेनेत प्रवेश केला होता.

हे देखील पाहा -

त्यामुळे आता भाजप (BJP) नंतर आता मनसेला खिंडार पाडण्याच्या तयारीत शिवसेना आहे की काय अशा चर्चा राजकीय वर्तुळात सुरु आहेत. दरम्यान, एकीकडे मनसे मशिदींवरील भोंग्यांच्या भूमिकेवरुन अॅक्टीव मोडवर असताना हे दोन माजी नगरसेवक ऐन निवडणुकीच्या तोंडावर शिवसेनेत गेले तर मग मात्र मनसेसाठी हा मोठा धक्का असणार आहे.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.