डोंबिवली : मराठी भाषा गौरव दिन हा नुकताच राज्यात साजरा करण्यात आला. मात्र, महाराष्ट्रात मराठी भाषा (Marathi Language) जतन किती कंपन्या करत आहेत हे पाहण शासनाचं देखील काम आहे. संपूर्ण देशभरात पीव्हीआर (PVR) हि कंपनी सिनेमा तिकीट प्रेक्षकांना आरक्षित करून देत असते. मात्र, या कंपनीच्या आयव्हीआर (कॉलसेंटर) मध्ये मराठी भाषा उपलब्ध नसल्याचे एका व्यक्तीने उघड केले.
हे देखील पहा :
मराठी सोडून इतर भाषा त्यात दिसत होत्या. दरम्यान, त्या व्यक्तीने यासंदर्भात मराठी भाषा उपलब्ध का नाही? असा जाब देखील विचारला. मात्र, कंपनीच्या (Company) प्रशासनाने यावर उडवाउडवीची उत्तरे दिली. त्यामुळे त्या व्यक्तीने मनसेच्या कार्यकर्त्यांना याबाबत तक्रार केली आणि मनसेच्या (MNS) कार्यकर्त्यांनी लगेच एक्सपीरिया मॉल गाठले आणि पीव्हीआर कंपनीच्या अधिकाऱ्यांना याचा जाब विचारला. तसेच संबंधित आयव्हीआर मधूनच कॉल मराठी भाषा नेच सुरुवात झाली पाहिजे अशी भूमिका मनसेचे ठणकावून सांगितले.
यावेळी मनसेचे डोंबिवली (Dombivli) शहर संघटक योगेश पाटील, डोंबिवली शहर सचिव अरुण जांभळे, मनसे विभाग अध्यक्ष रक्षित रायकर यांसह अन्य महाराष्ट्र सैनिक उपस्थित होते.दरम्यान येत्या काही दिवसात हा बदल दिसून आला नाहीतर पुढील आंदोलनाला पीव्हीआर सिनेमाचं जबाबदार असेल असा सज्जड दमच मनसेचे या कंपनीला दिला आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.