कल्याण : उल्हासनगरमध्ये मनसेच्या पदाधिकाऱ्याला मारहाण करण्यात आल्याची घटना समोर आली आहे. शासकीय भूखंडावरील अतिक्रमणाची तक्रार केल्याने ही मारहाण करण्यात आली असल्याची धक्कादायक बाब समोर आली आहे. मारहाण करणारा सुद्धा मनसेच्याच वाहतूक सेनेचा पदाधिकारी आहे.
उल्हासनगरमधील मनसे वाहतूक सेनेचे सरचिटणीस अमित फुंदे यांनी शासकीय भूखंडावर अनधिकृत पार्किंग सुरू केल्याची मनसे विभाग अध्यक्ष योगीराज देशमुख यांची तक्रार होती. त्यामुळे आपल्याच पक्षातल्या पदाधिकाऱ्याच्या विरोधात देशमुख यांनी महानगरपालिका, तहसीलदार कार्यालय, जिल्हाधिकारी कार्यालय अशा ठिकाणी तक्रार केली होती.
त्यामुळे योगीराज देशमुख आणि अमित फुंदे यांच्यात वाद सुरू होते. याच वादातून गुरुवारी रात्री साडेदहाच्या सुमारास अमित याच्यासह आणखी तिघांनी योगीराज देशमुख यांना म्हारळ गावाजवळील डीमार्ट परिसरात गाठलं आणि मारहाण केली. (Latest Marathi News)
मारहाणीची ही घटना सीसीटीव्हीतही कैद झाली. याप्रकरणी उल्हासनगर पोलीस ठाण्यात गुन्हा दाखल करण्यात आला असून पोलीस पुढील तपास करत आहेत. मात्र या सगळ्यात योगीराज देशमुख यांच्या तक्रारींमागचा नेमका हेतू काय होता? हेदेखील तपासणं गरजेचं आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.