MNS's statewide Maha Aarti on Akshayya Tritiya
MNS's statewide Maha Aarti on Akshayya TritiyaSaam Tv

अक्षय्य तृतीयेला मनसेची राज्यभर महाआरती; राज ठाकरेंचे मनसैनिकांना आदेश

MNS Maha Arti On Akshaya Tritiya: या बैठकीत अयोध्या दौरा आणि 1 मे ची सभा यासाठी नियोजनाबाबत चर्चा झाली.

मुंबई: मनसे अध्यक्ष राज ठाकरे यांनी ३ मे ला अक्षय्य तृतीयेच्या मुहूर्तावर राज्यभर महाआरती (Maha Arti) करण्याचे आदेश मनसैनिकांना दिले आहे. त्यानुसार आता मनसे कार्यकर्ते कामाला लागले आहेत. आज (मंगळवार) राज ठाकरेंच्या (Raj Thackeray) शिवतीर्थ बंगल्यावर बैठक घेण्यात आली. या बैठकीत हा निर्णय झाला. तसेच या बैठकीत अयोध्या दौरा आणि 1 मे ची सभा यासाठी नियोजनाबाबत चर्चा झाली. (MNS's statewide Maha Aarti on Akshayya Tritiya; Raj Thackeray's orders to MNS Workers)

हे देखील पहा -

शिवतीर्थ बंगल्यावर झालेल्या या बैठकीत मनसेचे नेते बाळा नांदगावकर, नितीन सरदेसाई, संदीप देशपांडे, यशवंत किल्लेदार, गजानन काळे, शिरीष सावंत आणि इतर नेते उपस्थित होते. ३ मे चं अलटीमेटम राज ठाकरे यांनी राज्य सरकारला दिलं होतं. त्याचप्रमाणे मशिदीवरील भोंग्या संदर्भातील उच्च न्यायालयात याचिका दाखल करणारे संतोष पाचलग यांनाही राज ठाकरे यांची भेट घेतली आहे. या भेटीत याचिकेतील सर्व बारकावे आणि अतिरिक्त माहिती याविषयी चर्चा त्यांनी राज ठाकरे यांच्यासोबत केली. ३ मे ला मशिदीवरील भोंगे उतरवले नाही, तर मनसे नेमकी काय भूमिका घेणार? काय पावलं उचलली जातील? यावर या बैठकीत चर्चा झाली. तसेच मनसेचे शिष्टमंडळ आता ॲडीशनल सीपी डाॅ. ज्ञानेश्वर चव्हाण यांची भेट घेण्यासाठी निघाले असून भोंग्याच्या विषयावर ही भेट असेल.

राज ठाकरेंचा अयोध्या दौरा:

मनसे अध्यक्ष राज ठाकरे (Raj Thackeray) यांनी पुण्यातून दोन घोषणा केल्या. पहिली म्हणजे १ तारखेला औरंगाबादमध्ये जाहीर सभा घेणार. आणि दुसरी म्हणजे अतिशय महत्त्वाचं ५ जून रोजी अयोध्येला जाणार. या दौऱ्यात कार्यकर्त्यांना अयोध्येत जाण्यासाठी मनसेकडून (MNS) ट्रेन बुक करण्यात येणार आहे. १० ते १२ ट्रेन बुक करण्यात येणार असल्याची माहिती समोर आली आहे. मुंबई, पुणे, ठाणे, रायगड, नाशिक, नागपूर या ठिकाणाहून या ट्रेन बुक केल्या जाणार आहेत. राज ठाकरे मागच्या काही काळापासून आपली भूमिका अतिशय प्रखरपणे मांडत आहेत.

MNS's statewide Maha Aarti on Akshayya Tritiya
गोपनीय अहवाल : ३ मे नंतर राज्यात निर्माण होऊ शकते विस्फोटक स्थिती; गृहखातं अलर्ट

आदित्य ठाकरेंचा अयोध्या दौरा:

राज ठाकरेंनी गुढीपाडवा सभेत घेतलेल्या मशिदींवरील भोंग्याविरोधातील भूमिकेवर ते उत्तर सभेत ठाम राहिले आहेत. दरम्यान एकीकडे राज ठाकरे अयोध्या दौऱ्याला जाणार आहेत. तर दुसऱ्या बाजून मंत्री आदित्या ठाकरेही अयोध्या दौऱ्याला जाणार आहेत. त्यांनी अजून दौऱ्याची तारीख जाहीर केलेली नाही. नाशिकमध्ये संजय राऊतांनी बोलताना आदित्या ठाकरे अयोध्या दौऱ्याला जाणार असल्याची माहिती दिली होती. आदित्या ठाकरेंनीही याला अधिकृत दुजोरा दिला आहे.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com