मुंबई: राज्यात मान्सूनचे (Monsoon) आगमन झाले आहे, पण पूर्ण क्षमतेने अजुनही पावसाला (Rain) सुरूवात झालेली नाही. मान्सून वेळेअगोदरच दाखल होण्याचा अंदाज हवामान विभागाने वर्तवला होता. संपूर्ण राज्यात अजूनही मान्सून सक्रीय झालेला नाही. राज्यातील शेतकऱ्यांनी पेरण्यांची पूर्व तयारी करुन ठेवली आहे, पण पूर्ण क्षमतेने मान्सून सक्रीय झाला नसल्यामुळे शेतकऱ्यांनी पेरण्या केलेल्या नाहीत. आज १८ जूनपासून राज्यात राज्यात पावसाचा जोर वाढणार असल्याचा अंदाज हवामान विभागाने वर्तवला आहे. (Monsoon Update)
१८ जूनपासून राज्यात पावसाचा जोर वाढण्याची शक्यता असून, काही ठिकाणी मध्यम ते जोरदार पावसाची शक्यता हवामान विभागाने वर्तवली आहे. तसेच मध्य महाराष्ट्र, मराठवाडा, विदर्भ, कोकणात सोमवारपासून अति मुसळधार पावसाची शक्यता वर्वली आहे. त्यामुळे मान्सूनसाठी (Monsoon) आता पुन्हा पोषक वातावरण तयार झाले आहे. (Maharashtra Monsoon Latest News)
जून महिन्याची १८ तारीख आली तरीही अजूनही मान्सून (Monsoon) पूर्ण क्षमतेने सक्रीय झालेला नाही. त्यामुळे शेतकऱ्यांनी खरिपाची पेरणी केलेली नाही. आज राज्यातील काही जिल्ह्यांत पावसाने पुन्हा सुरूवात केली आहे, त्यामुळे काही ठिकाणी शेतकऱ्यांनी पेरणी करण्यास सुरूवात केली आहे.
आज अकोल जिल्ह्यातील शेतकऱ्यांनी (Farmer) पेरणीस सुरुवात केली आहे. तर पूर्ण क्षमतेने पावसाला सुरुवात झाल्याशिवाय पेरणी न करण्याचे आवाहन कृषी विद्यापीठाने केले आहे. येत्या दोन दिवसात कोकणासह मध्य महाराष्ट्रात मुसळधार पाऊस पडण्याची शक्यता असल्याचे हवामान विभागाने म्हटले आहे.
दोन दिवसापासून विदर्भातही पावसाचे वातावरण झाले होते, पण अजुनही पूर्ण क्षमतेने पावसाला सुरूवात झालेली नाही. विदर्भातही शेतकऱ्यांची पेरणी झालेली नाही.
१९ जून- ठाणे, रायगड, रत्नागिरी, सिंधुदुर्ग, बुलढाणा, अकोला, वाशिम, हिंगोली, नांदेड, लातूर, यवतमाळ, अमरावती, वर्धा, नागपूर, चंद्रपूर, गोंदिया, गडचिरोली.
२० जून- पालघर, ठाणे, रायगड, सातारा, कोल्हापूर, नागपूर, वर्धा, भंडारा, यवतमाळ, चंद्रपूर, गडचिरोली
२१ जून- पालघर, ठाणे, पुणे, सातारा, कोल्हापूर, बुलढाणा, अकोला, वाशिम, यवतमाळ, अमरावती, चंद्रपूर, गडचिरोली
२२ जून- पालघर, ठाणे, पुणे, सातारा, कोल्हापूर, बुलढाणा, अकोला, वाशिम, यवतमाळ, अमरावती, चंद्रपूर, गडचिरोली, गोंदिया
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
