Accident: भरधाव ट्रकने माय- लेकीस चिरडलं; मुलगा गंभीर जखमी

शिरुर : शिरुर (shirur) तालुक्यातील टाकळी हाजी इथे मायलेकींचा अपघातात (accident) दुर्दैवी मृत्यू झाला आहे. या अपघातात मुलगा गंभीर जखमी (injured) झाला असून त्याच्यावर उपचार सुरु आहेत. ही घटना टाकळी हाजी ते फाकटे रस्त्यावर रविवार घडली. (shirur latest marathi news)

याबाबत मिळालेली माहिती अशी : मुलाच्या दुचाकीवरुन आईसह मूलगी असे तिघे प्रवास करीत हाेते. यावेळी भरधाव वेगाने आलेल्या ट्रकने त्यांच्या दुचाकीला जोरदार धडक दिली. या अपघाताात जिजाबाई पळसकर यांच्या डोक्यावरून ट्रकचे चाक गेल्याने त्यांचा जागीच मृत्यू झाला तर ताराबाई साबळे या गंभीर झाल्या होत्या. ताराबाई यांना शिरूर येथील खाजगी रुग्णालयात दाखल करण्यात आले होते. परंतु त्यांचाही तेथे उपचारादरम्यान मृत्यू झाला.

दरम्यान अपघातात ताराबाई साबळे यांचा मुलगा विलास हा गंभीर जखमी झाला आहे. त्याच्यावर उपचार सुरु आहेत.

Edited By : Siddharth Latkar