मीरा भाईंदर: येथे एक धक्कादायक घटना घडली आहे. आईने तिच्या पोटच्या सहा वर्षांच्या मुलीसह आत्महत्या केल्यानं खळबळ उडाली आहे. टेरेसवरून उडी मारून माय-लेकीनं जीवन संपवलं. मृत पावलेल्या दोघी काशीमीरा पोलीस ठाणे (Kashimira Police Station) हद्दीतील गौरव गॅलक्सि नित्यानंद नगर, शांती गार्डन परिसरात राहत होत्या. याप्रकरणी काशीमीरा पोलिसांकडून पुढील तपास सुरु आहे. (Mother-daughter ends life jumping from terrace)
मिळालेल्या माहितीनुसार, गौरव गॅलक्सी नित्यानंद नगर, शांती गार्डन परिसरात मध्ये राहणाऱ्या महिलेनं तिच्या पोटच्या सहा वर्षांच्या मुलीसोबत टेरेसवरून उडी मारून आत्महत्या केली. या घटनेची माहिती मिळताच पोलिसांनी दोघींचे मृतदेह शवविच्छेदनासाठी भाईंदर पश्चिमेच्या पंडित भीमसेन जोशी रुग्णालयात पाठवले आहे. या संदर्भात काशीमीरा पोलीस ठाण्याचे वरिष्ठ पोलीस निरीक्षक संजय हजारे यांच्याशी संपर्क साधला असता, पुढील तपास सुरू असल्याचे सांगितलं.
Edited By - Naresh Shende
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
