- सिद्धेश म्हात्रे
नवी मुंबई : मुंबई सेंट्रलहून (mumbai central) महाडला (mahad) जाणारी राज्य परिवहन महामंडळाची बस (msrtc bus) अचानक मुंबई - गोवा महामार्गावर (mumbai goa highway) कर्नाळा अभयारण्यच्या पुढे पेटली. ही गाेष्ट चालकाच्या लक्षात आल्यानंतर त्याने सर्व (५२) प्रवाशांना बसमधून खाली उतरवले. या घटनेत सर्व प्रवासी सुरक्षित असून संपुर्ण बस मात्र जळून खाक झाली आहे. (mumbai goa highway latest marathi news)
मुंबई सेंट्रल येथून महाडला (एमएच १४ बीटी २०५६) ही बस निघाली हाेती. या बसला आज (शुक्रवार) सकाळी सव्वा नऊ वाजता मुंबई - गोवा महामार्गावर कर्नाळा अभयारण्यच्या पुढे अचानक आग लागली. बसच्या समोरील बाजूकडून धूर आल्याने आग लागल्याचे चालकाच्या लक्षात आले. त्याने प्रसंगावधान राखत तात्कळ बस थांबवून प्रवाशांना बाहेर काढले.
दरम्यान आग भडकल्याने प्रवाशांसह वाहकाचे सर्व सामान जाळून खाक झाले. अग्निशमन दलाच्या (fire brigade) जवानांनी घटनास्थळी पाेहचून आग विझविण्यासाठी प्रयत्न केले मात्र बस जळून खाक झाली हाेती. या अपघातामुळे मुंबई - गोवा महामार्गावरील गोव्याच्या (goa) दिशेने जाणारा रस्ता बंद करण्यात आला होता. या महामार्गावर तात्पूरत्या स्वरुपात एकेरी वाहतूक सुरु केल्याने मोठ्या प्रमाणात वाहतूक कोंडी झाली होती.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.