संजय गडदे, मुंबई
Mumbai Crime News In Marathi : मुंबईच्या कांदिवलीमधील चारकोप परिसरात अल्पवयीन मुलगी आणि तिच्या आईला बघून अश्लील कृत्य करणाऱ्या व्यक्तीला अखेर अटक करण्यात आली. तीन वर्षांपासून संशयित आरोपी हे कृत्य करत होता. अटक केलेल्या आरोपीचे वय ५९ वर्षे आहे. (Crime News In Marathi)
मुंबईच्या चारकोप पोलिसांनी (Mumbai Police) ही कारवाई केली. पोलिसांनी आरोपीविरोधात विनयभंग व बालकांचे लैंगिक अपराधांपासून संरक्षण कायद्यांतर्गत गुन्हा दाखल केला आहे. आरोपी मागील ३ वर्षांपासून हे कृत्य करत होता, अशी माहिती समोर आली आहे.
मिळालेल्या माहितीनुसार, तक्रारदार महिला ४६ वर्षांची आहे. कांदिवलीतील चारकोप परिसरात ती १६ वर्षांच्या मुलीसोबत राहते. आरोपीने पीडित महिलेला पाहून यापूर्वी अश्लील कृत्य केले होते. पण महिलेने त्याकडे दुर्लक्ष केले. आरोपी हा तक्रारदाराच्या समोरच्या घरात राहतो. गेल्या आठ वर्षापासून तिथे वास्तव्यास आहे. मागील ३ वर्षांपासून तो हे कृत्य करत होता.
अल्पवयीन मुलीने या सर्व प्रकाराकडे अनेकदा दुर्लक्ष केले. मात्र काही दिवसांपूर्वीच आरोपीने पीडित मुलीला पाहून पुन्हा अश्लील चाळे केल्याचे तिने सांगितले. या प्रकाराने त्रस्त झालेल्या महिलेने अखेर पोलिसांत तक्रार केली. त्यानुसार पोलिसांनी बालकांचे लैंगिक अपराधांपासून संरक्षण कायदा कलम १२ अंतर्गत आरोपीविरोधात गुन्हा दाखल केला.
त्यानुसार पोलिसांनी ५९ वर्षीय आरोपीला चौकशीसाठी पोलीस ठाण्यात बोलावले असता त्याने गुन्ह्याची कबुली दिली. १ मे २०२० पासून १४ मे, २०२३ या कालावधीत आरोपी हा प्रकार करत होता, असा आरोप तक्रारीत करण्यात आला आहे. याबाबत पोलीस अधिक तपास करत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
