सचिन गाड
Mumbai Crime News : राज्यात गेल्या काही दिवसांपासून महिलांवरील अत्याचाराच्या घटनेत मोठी वाढ झाली आहे. यामध्ये अल्पवयीन मुलीवर अत्याचार होण्याचे प्रमाण सर्वाधिक आहे. एकीकडे महिलांवरील अत्याचाराविरोधात कठोरात कठोर कारवाई करण्याची मागणी केली जात असताना दुसरीकडे मुंबईतून एक संतापजनक घटना उघडकीस आली आहे. (Latest Marathi news)
मुंबईतील वांद्रे परिसरात एका १७ वर्षीय अल्पवयीन मुलीवर दोन नराधमांनी बलात्कार (Crime News) केला आहे. आरोपींनी १७ वर्षीय मुलीला गुंगीचे औषध दिलं. त्यानंतर वांद्रे येथून तिचं अपहरण केलं. त्यानंतर तिला विरार येथील वज्रेश्वरी परिसरात नेऊन तिच्यावर सामूहिक अत्याचार केला.
नराधम आरोपी इतक्यावर थांबले नाही तर त्यांनी मुलीसोबत शारीरिक संबंध प्रस्थापित करताना तिचे नग्न व्हिडीओ देखील बनवले. हेच व्हिडीओ व्हायरल करण्याची धमकी देत आरोपींनी पीडितेच्या कुटुंबीयांवर दबाव टाकला.
याबाबत कुणाला सांगितल्यास पीडितेला तसेच तिच्या आईला जीवे मारण्याची धमकी सुद्धा दिली. दरम्यान, आरोपींचं कृत्य दिवसेंदिवस वाढत असल्याने पीडितेसह तिच्या आईने वांद्रे पोलिसांत तक्रार दाखल केली.
तक्रार दाखल होताच पोलिसांनी (Mumbai Police) गुन्हा दाखल करत दोन नराधमांना अटक केली आहे. आरोपींविरोधात पोलिसांनी बलात्कार आणि पॉक्सो कायद्यांतर्गत गुन्हा दाखल केला आहे. या संपूर्ण प्रकारामुळे परिसरात मोठी खळबळ उडाली आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
