लोन रिकव्हरी एजंटचा भलताच कारनामा; महिलेला बहिणीचे मॉर्फ केलेले अश्लील व्हिडिओ पाठवले

लोन रिकव्हरी एजंटचा भलताच कारनामा; महिलेला बहिणीचे मॉर्फ केलेले अश्लील व्हिडिओ पाठवले
Crime News UpdatesSaam Tv

मुंबई : अंधेरी जीआरपी पोलिसांनी (GRP) कर्नाटकातील एका १९ वर्षीय कर्ज वसुल करणाऱ्या एजंटला एका महिलेचे मॉर्फ केलेले अश्लील व्हिडिओ (Morphed Abuse video) तिच्या दूरच्या नातेवाईकाला पाठवल्याबद्दल अटक करण्यात आली आहे. महिला ९ हजार रुपयांचे कर्ज फेडण्यात असमर्थ ठरल्याने आरोपीने असे कृत्य केले. कर्नाटकात अटक केल्यानंतर (culprit arrested) आरोपीला सोमवारी मुंबईत आणण्यात आले.

Crime News Updates
केंद्राकडून सापत्न वागणूक; मुख्यमंत्री उद्धव ठाकरे यांची तीव्र नाराजी

अंधेरी जीआरपीचे वरिष्ठ पोलीस निरीक्षक दत्तात्रय निकम यांनी अधिक माहिती देताना सांगितले की, “आम्ही आरोपीला न्यायदंडाधिकारी न्यायालयात हजर केले आणि त्याची चार दिवसांची कोठडी मिळाली. पोलीस "कर्ज घोटाळा" (loan scam) सायबर फसवणुकीबद्दल लोकांमध्ये जागरूकता निर्माण करत आहेत, ज्यामध्ये फसवणूक करणारे अल्प व्याजदरावर कर्ज देण्याचं आमिष दाखवून प्राप्तकर्त्याच्या मोबाईल फोनमध्ये संग्रहित डेटामध्ये प्रवेश मिळवतात आणि नंतर त्यांच्याकडून पैसे उकळण्यासाठी त्याचा गैरवापर केला जातो.

या प्रकरणातील एफआयआर 4 मार्च रोजी एका महिलेच्या तक्रारीच्या आधारे नोंदवण्यात आला होता. ज्याने व्हॉट्स अ‍ॅपवर एका अनोळखी नंबरवरून अश्लील व्हिडिओ आले होते. महिलेच्या दूरच्या चुलत बहिणीचा, जिने कर्ज घेतले होते तिचा चेहरा व्हिडिओंमध्ये मॉर्फ केला गेला होता. आरोपीवर भारतीय दंड संहितेच्या कलम 354 आणि IT कायद्याच्या 67A अंतर्गत गुन्हा दाखल करण्यात आला असल्याचे पोलिसांनी सांगितले.

व्हिडीओ मिळाल्यानंतर ट्रेनमधून प्रवास करत असलेल्या तक्रारदार महिलेने रेल्वे पोलिसांशी संपर्क साधला आणि तिने सांगितले की, व्हिडीओसह आरोपीने चुलत बहिणीने घेतलेले कर्ज फेडण्यास असमर्थ असल्याचा आणि आता ती वेश्याव्यवसायामध्ये उतरली असल्याचा मेसेज देखील पाठवला होता.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com