अभिजीत देशमुख, प्रतिनिधी...
Kalyan News: पत्नीला नोकरी करण्यास विरोध करत संतापलेल्या पतीने भर रस्त्यात पत्नीवर चाकूने हल्ला केल्याची धक्कादायक घटना कल्याणात घडली आहे .आज (१२, मे) सकाळच्या सुमारास कल्याणजवळ असलेल्या शहाड परिसरात हा प्रकार घडला. या हल्ल्यात पत्नी रंजीता शेट्टी ही जखमी झाली असून तिच्यावर खाजगी रुग्णालयात उपचार सुरू आहेत, तर हल्ल्यानंतर फरार पतीचा पोलिस तपास घेत आहेत. (Kalyan News Update)
याबाबत अधिक माहिती अशी की, कल्याणजवळ (Kalyan) असलेल्या शहाड परिसरात एका इमारतीमध्ये शशिकांत शेट्टी व रंजीत शेट्टी हे दाम्पत्य राहते. या दोघांचे तीन महिन्यांपूर्वीच लग्न झाले होते. रंजीता मुंबई येथील विद्याविहार येथील एका खाजगी कंपनीमध्ये काम करत होती. तर शशिकांत शेट्टी याचा या नोकरीला विरोध होता. शशिकांत तीन महिन्यांपासून रंजीताला कामावर जाऊ नको असे सांगत होता. यातूनच दोघा पती-पत्नीमध्ये वारंवार वाद होत होते.
हा वाद आज विकोपाला गेला. सकाळी शशिकांतने रंजिताला कामावर जाऊ नको असे सांगितले मात्र रंजीता कामावर जाण्यास निघाली. यावेळी संतापलेल्या पतीने तिचा पाठलाग करत शहाड परिसरातच तिला गाठले व भर रस्त्यात तिच्यावर चाकूने हल्ला केला. (Latest Marathi News)
पत्नीने केलेल्या या हल्ल्यात रंजिता ही गंभीर जखमी झाली असून तिच्यावर रुग्णालयात उपचार सुरू आहेत. तसेच हल्ल्यानंतर पती शशिकांत शेट्टी हा पसार झाला आहे. याप्रकरणी महात्मा फुले पोलीस तपास करत असून फरार झालेल्या शशिकांत याचा शोध घेत आहेत. या धक्कादायक घटनेने परिसरात खळबळ उडाली आहे. (Crime News Update)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
