Mumbai News : मुंबईत गेल्या दोन महिन्यांपासून गोवरच्या रुग्णांची संख्या झपाट्याने वाढत आहे. गोवरचे रुग्ण वाढू लागल्यामुळे मुंबईकरांच्या (Mumbai) चिंतेत भर पडत आहे. आतापर्यंत गोवरच्या रुग्णांची संख्या एकूण १६९ वर पोहचली आहे. तर तब्बल २ हजार ६२३ संशयित रुग्णांची नोंद झाली आहे. गोवंडीतील एका ६ महिन्याच्या मुलीचा भिवंडी ठाणे येथे मृत्यू झाल्याने मृतांचा आकडा ८ झाला आहे. (Latest Marathi News)
दुसरीकडे ३८ रुग्ण बरे झाल्याने त्यांना डिस्चार्ज देण्यात आला आहे. तर १०५ रुग्ण अजूनही रुग्णालयात उपचार घेत आहेत. त्यापैकी २ रुग्ण व्हेंटिलेटवर असल्याची माहिती पालिकेच्या आरोग्य विभागाने दिली.
गोवरचा वाढता प्रादुर्भाव लक्षात घेता. मुंबईत २१ लाख ५१ हजार २४ घरांचा सर्व्हे करण्यात आला असून त्यापैकी नुसत्या गोवंडीत १ लाख ६१ हजार ७३७ घरांचा सर्व्हे करण्यात आला आहे. त्यात ताप आणि लाल पुरळ असलेले २६२३ संशयित रुग्ण आढळून आले आहेत.
आतापर्यंत अतिरिक्त सत्रात १२ हजार ८७० मुलांचे आणि गरोदर महिलांचे लसीकरण करण्यात आले आहे अशी माहिती पालिकेच्या आरोग्य विभागाने दिली. २६ ऑक्टोबर पासून मुंबईत ७ मृत्यू झाले आहेत. कस्तुरबा रुग्णालयात ४, राजावाडी २, आणि १ घरी मृत्यू झाला होता.
गोवंडी येथील सकिना अन्सारी या ६ महिन्याच्या मुलीचा १३ नोव्हेंबरला रुग्णालयात भरती करण्यात आले होते. १७ नोव्हेंबरला तीचा मृत्यू झाल्याचे समोर आले आहे. या मुलीला तीच्या पालकांनी भिवंडी ठाणे येथे नेले होते. त्यांनी याबाबतची माहिती दिली नव्हती. या मुलीच्या लसिकरणाबाबतही माहिती उपलब्ध झालेली नाही. यामुळे मृतांची संख्या ८ झाली आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.