मुंबई : गोरेगाव पूर्वेतील आरे कॉलनी (Mumbai News) परिसरात वन विभागाने लावलेल्या सापळ्यात तिसरा बिबट्या जेरबंद झाला आहे. युनिट नंबर 15 मध्ये दिवाळीच्या दिवशी दीड वर्षाचा मुलीवर हल्ला करणाऱ्या C-57 बिबट्याला अखेर आज सकाळी जेरबंद करण्यात वन विभागाला यश आले आहे. मंगळवारी सकाळपासून एकूण तीन बिबटे वनविभागाने जेरबंद केले आहे.
या कारवाईमुळे आरे वसाहतीतील नागरिकांनी आता सुटकेचा निःश्वास सोडला आहे. मागील काही दिवसांपासून बिबट्यांकडून (Leopard) मानवी वस्तीतील हल्ले वाढल्यानंतर वनविभागाने कारवाईला सुरुवात केली होती. दीड वर्षाच्या मुलीवर बिबट्याने हल्ला केल्यानंतर वनविभागाने सलग कारवाई करून दोन मित्रांना जेरबंद केले होते.
मात्र यानंतरही बिबट्याकडून हल्ले सुरू होते. त्यामुळे वनविभागाने परिसरात पुन्हा शोधमोहिम राबवून कारवाईला सुरूवात केली. वनविभागाला मंगळवारी दिवसभरात दोन व्यक्तींना जेरबंद करण्यात आले. आज सकाळी वनविभागाने पुन्हा कारवाईला सुरूवात केल्यानंतर दीड वर्षाच्या मुलीवर हल्ला करणाऱ्या C-57 बिबट्याला अखेर जेरबंद करण्यात आले आहे.
गेल्या महिनाभरापासून आरे युनिट क्रमांक 15 मध्ये बिबट्याकडून हल्लासत्र सुरू असून हा बिबट्या वन विभागाच्या हातावर तुरी देत होता. या बिबट्यासाठी लावलेल्या सापळ्यात अन्य बिबटे वारंवार अडकत असले, तरी हवा असलेला संशयित बिबट्या मात्र वनविभागाच्या सापळ्यात अडकत नसल्याने वनविभागाच्या अधिकाऱ्यांच्या डोक्याचा ताप वाढला होता.
मात्र, आता बोरिवली वन विभागाचे टीमने आरे कॉलनी परिसरामध्ये ठिकठिकाणी ट्रॅप लावून आतापर्यंत पाच बिबट्याला जेरबंद केले आहे. त्यामुळे आरे वसाहतीतील नागरिकांनी सुटकेचा निश्वास सोडला आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
