विरार : तुम्ही जर पॅकिंग दुधाची पिशवी विकत घेत असाल, तर तुमच्यासाठी अत्यंत महत्वाची बातमी आहे. कारण, तुमच्या पॅकिंग दुधाच्या पिशवीत झुरळ असू शकते. एका नामांकित कंपनीच्या दुधाच्या पॅकेटमध्ये झुरळ आढळल्याचा धक्कादायक प्रकार विरारमध्ये उघडकीस आला आहे. या प्रकारबाबत ठाणे अन्न आणि औषध प्रशासन विभागाला माहिती देण्यात आली आहे. (Latest Marathi News)
विरार पूर्वेच्या चंदनसार रोडवरील कातकरी पाडा येथे राहणारे ज्ञानदेव खरे यांनी नेहमीप्रमाणे दूध (Milk) खरेदी करण्यासाठी गेले होते. त्यावेळी त्यांनी गुड मॉर्निंग कंपनीच्या दुधाची एक लिटरचे पॅकेट दुकानातून विकत घेतले. मात्र, या पॅकेटमध्ये त्यांना काळ्या रंगाचे झुरळ तरंगताना दिसून आले. या प्रकाराची माहिती त्यांनी दूध विक्रेत्या दुकानदाराला दिली.
त्यानंतर त्यांनी दुकानदाराच्या मदतीने दूध वितरित करणाऱ्या एजन्सीशी संपर्क केला. मात्र, या प्रकारावर संबधित दूध वितरक कंपनीकडून कोणतेही समाधानकारक उत्तर मिळाले नाही. त्यानंतर ज्ञानदेव यांनी या प्रकाराची माहिती ठाणे अन्न व औषध प्रशासन विभागाला दिली.
अन्न व औषध प्रशासन विभागाचे आयुक्त परमेश्वर सिंगदवार यांनी त्यांच्या तक्रारीची दखल घेत तपास सुरू केला आहे. या प्रोडक्टच्या होणाऱ्या पॅकिंगच्या वेळी हे झुरळ दुधात पडले असावे, अशी शक्यता अन्न व औषध प्रशासन विभागाने वर्तवली आहे. तसेच याबाबत कारवाई सुद्धा करणार असल्याचं त्यांच्याकडून सांगण्यात आलं आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
