Fire In Mumbai : मुंबईच्या अंधेरी परिसरात भीषण आग; अग्नीशमन दलाच्या ३ गाड्या घटनास्थळी दाखल

रुपाली बडवे

मुंबई : मुंबईतील अंधेरीमधून (Andheri) आगीचं वृत्त समोर आलं आहे. अंधेरीमधील एका इमारतीला आग (Fire) लागली आहे. या आगीमुळे हवेत आगीच्या धुराचे लोळ पसरले आहेत. या आगीचं नेमकं कारण अद्याप स्पष्ट झालेलं नाही. या घटनेनंतर अग्नीशमन दलाच्या ३ गाड्या घटनास्थळी दाखल झाल्या आहेत. तसेच दोन पाण्याचे टँकर देखील घटनास्थळी आहेत. ( Mumbai Fire News In Marathi )

अंधेरीतील या आगीचे व्हिडीओ समोर आले आहेत. तसेच सदर व्हिडीओ सोशल मीडियावर व्हायरल झाले आहेत. या व्हिडीओमध्ये या इमारतीच्या आजूबाजूला काळ्या रंगाचे लोळ पाहायला मिळत आहे. त्यामुळे धूर संपूर्ण परिसरात पसरत आहे. या इमारतीत किती जण अडकले, याची माहिती अद्याप समोर आलेली नाही. मात्र, अग्नीशमन दलाकडून आगीवर नियंत्रण मिळविण्याचे प्रयत्न सुरू आहेत.

दरम्यान, आगीची ही घटना अंधेरी येथील एका स्पोर्ट कॉमप्लेक्सच्या मागे लागली आहे. या आगीमुळे धुराचे लोळ हवेत मोठ्या प्रमाणात पसरले आहेत. घटनास्थळी अग्नीशमन दलाचे जवान, पोलिसांव्यतिरिक्त जल विभाग देखील घटनास्थळी दाखल झाला आहे. याआधी देखील मुंबईत आगीच्या दुर्घटना घडल्या आहेत. मुंबईतील वेगवेगळ्या आगीच्या घटनेत अनेकांना जीव गमवावे लागले आहेत. सर्वात मोठी आग ही जानेवारी महिन्यात कमला इमारतीला लागली होती. भाटीया रुग्णालयाजवळील कमला इमारतीच्या २० व्या मजल्यावर ही आग लागली होती. या आगीत २८ जण जखमी झाले होते. तर ६ लोकांचा मृत्यू झाला होता.