Ghatkopar Pipe Line Burst : घाटकोपरच्या मेट्रोल असल्फा परिसरात जलवाहिनी फुटली. त्यामुळे ऐन हिवाळ्यात मुंबईमध्ये पूरपरिस्थिती पाहायला मिळाली. ७२ इंचाची जलवाहिनी फुटल्याने तब्बल ४०० हून अधिक घरात पाणी शिरलं. या पाण्याचा प्रवाह इतका होता की, यात अनेक दुचाकी, घरांच्या आजूबाजूचे तसेच दुकानांसमोरील साहित्य वाहून गेले.(Latest Marathi News)
शुक्रवारी (30 डिसेंबर) रात्रीच्या सुमारास ही घटना घडली. रात्रीच्या सुमारास लोक घरात झोपलेले असताना अचानक ७२ इंचाची पाण्याची पाईपलाईन फुटली. या जलवाहिनीतून पाणी इतक्या वेगाने बाहेर आले की अनेक घरे, परिसर आणि रस्ते पाण्याखाली गेले. अचानक घरात आलेल्या पाण्यामुळे लोक घाबरले, गोंधळ उडाला.
मिळालेल्या माहितीनुसार, या पाण्याचा दाब इतका जोरदार होता, की ते सुमारे 10 फुटांपर्यंत उसळत होते. मध्यरात्री अडीज वाजेच्या सुमारास पाण्याची पाईपलाईन फुटली असल्याची माहिती मुंबई महापालिकेला कळविण्यात आली. मात्र पालिकेचे अधिकारी गैरहजर असल्याचे स्थानिकांनी सांगितले.
दरम्यान, या जलवाहिनीतून पाण्याचा वेग अद्यापही कमी झालेला नाही, घराबाहेर पडणारे लोक पाण्याचा वेग लवकरात लवकर कमी व्हावा अशी प्रार्थना करत आहेत.ही जलवाहिनी अतिशय जीर्ण झालेली आहे. त्यामुळे ही जलवाहिनी वारंवार फुटल्याच्या घटना घडत आहे. या आधी देखील ही जलवाहिनी फुटून अक्षरशः घरे कोसळली होती. तर आता देखील ही जलवाहिनी फुटल्याने मोठे नुकसान झाल्याचे समजते आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
