>> संजय गडदे, मुंबई
Prostitution In Mumbai : समाजसेवा शाखेने (अंमलबजावणी) वांद्रे येथील स्पामध्ये सुरु असलेल्या देहविक्री रॅकेटचा पर्दाफाश केला आहे. हे स्पा सेंटर खार पोलीस ठाण्याच्या हद्दीत असल्यामुळे प्रकरण खार पोलिस स्टेशनकडे सोपवण्यात आले आहे.
खार भागातील वॉटरफिल्ड रोडवरील आरस बिल्डिंगमध्ये असलेल्या थाई स्पा सेंटरमध्ये देहविक्रीचा व्यवसाय सुरू असल्याची माहिती पोलिसांना मिळाली होती. या गुप्त माहितीच्या आधारे पोलीस कर्मचार्‍यांनी 4 मे रोजी रात्री उशिरा स्पावर छापा टाकत ही कारवाई केली.
पोलिसांनी स्पामधून पाच तरुणींची सुटका केली, त्यापैकी एक थाई नागरिक आहे, तर इतर चार ईशान्येकडील राज्यांतील आहेत. एका महिला दलालाला पुढील तपासासाठी हजर राहण्यासाठी सीआरपीसी अंतर्गत नोटीस देण्यात आली आहे, तर एक पुरुष दलाल फरार असून त्याचा शोध खार पोलीस घेत आहे. (Mumbai News)
पोलिसांनी केलेल्या कारवाईत स्पा मसाज पार्लरमधून मोबाईल फोन, कंडोम आणि आरोपींकडून 17,500 आणि स्क्रीनशॉट देखील ताब्यात घेतले आहेत. स्पा खार पोलीस ठाण्याच्या हद्दीत येत असल्याने हे प्रकरण खार पोलिस स्टेशनकडे हस्तांतरित करण्यात आले आहे. अनैतिक तस्करी (प्रतिबंध) कायद्याच्या संबंधित कलमांखाली आरोपींविरुद्ध गुन्हा दाखल करण्यात आला आहे. पुढील तपास सुरू आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
