Mumbai News : मुंबईतून (Mumbai) धक्कादायक वृत्त समोर आलं आहे. सातवी शिकणाऱ्या विद्यार्थिनीने शाळेच्या (School) तिसऱ्या माळ्यावरून उडी मारली आहे. कांजूरमार्गच्या सेंट फ्रान्सिस झेवियर्समधील घटना घडली आहे. या घटनेत विद्यार्थिनीला गंभीर दुखापत झाली आहे. विद्यार्थिनीला गोदरेज रुग्णालयात दाखल करण्यात आहे.
मिळालेल्या माहितीनुसार, कांजूरमार्ग येथील सेंट फ्रान्सिस झेव्हीयर्स शाळेच्या छतावरून एका १३ वर्षीय विध्यार्थीनीने उडी मारून आत्महत्या करण्याचा प्रयत्न केला आहे.सोमवारी, सकाळी ही घटना घडली. या शाळेत सातवी इयत्तेत शिकणाऱ्या या मुलीचे काही महिन्यांपूर्वी वडील आजाराने मृत्यू पावले होते.यामुळे ही विद्यार्थिनी मानसिक तणावात होती.
आज, सोमवारी सकाळी याच तणावात ती शाळेच्या छतावर गेली. छतावर गेल्यावर तिथून तिने खाली उडी मारली. शाळेतील कर्मचाऱ्यांनी जखमी अवस्थेत असलेल्या या विद्यार्थिनीला विक्रोळीच्या गोदरेज रुग्णालयात उपचारासाठी दाखल केले आहे.या प्रकरणी कांजूरमार्ग पोलीस पुढील तपास करीत आहेत.
पोलिसांनी दिलेल्या माहितीनुसार, कांजूरमार्ग पोलीस स्टेशनच्या हद्दीत एक इंग्रजी माध्यमाची शाळा आहे. त्यात एक १३ वर्षांची सातवी इयत्तेत शिकणारी मुलगी आहे. तिने सकाळी आठ वाजण्याच्या सुमारास शाळेच्या दुसऱ्या माळ्याच्या छतावरून उडी मारली. त्यात ती जखमी झाली. तिच्या दोन्ही पायांना दुखापत झाली आहे. त्यानंतर तिला गोदरेज रुग्णालयात दाखल केले. रुग्णालयात तिच्यावर उपचार सुरू आहेत. सध्या तिची प्रकृती स्थिर आहे. या प्रकरणाचा पुढील तपास सुरू केला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.