Incident In Front Of Mantralaya: मंत्रालयासमोर विष प्यायलेल्या धुळ्याच्या महिलेचा हॉस्पिटलमध्ये मृत्यू

Mumbai News: मुंबईत मंत्रालयासमोर विषारी औषध पिऊन आत्महत्येचा प्रयत्न करणाऱ्या महिलेचा मृत्यू झाला आहे. शीतल गादेकर असे ४६ वर्षीय महिलेचे नाव आहे. पीडित महिलेची धुळ्यात ९ गुंठे जागा होती. ती एका व्यक्तीने हडप केली होती, असा तिचा आरोप होता. त्याविरोधात ती दाद मागण्यासाठी सरकार दरबारी आली होती, अशी माहिती मिळते. (Maharashtra News)

शीतल या काल, २७ मार्च रोजी मुंबईत (Mumbai) मंत्रालयासमोर आल्या होत्या. त्यांनी विषारी औषध पिऊन आत्महत्येचा प्रयत्न केला होता. पोलिसांनी तातडीने त्यांना जे. जे. रुग्णालयात उपचारांसाठी दाखल केले होते. उपचार सुरू असताना आज, २८ मार्च रोजी त्यांचा मृत्यू झाला.

मिळालेल्या माहितीनुसार, धुळ्यातील (Dhule) ४६ वर्षीय शीतल गादेकर यांची धुळ्यात ९ गुंठे जागा होती. ही जागा एका व्यक्तीने हडप केली होती. त्याविरोधात दाद मागण्यासाठी ती सरकार दरबारी आल्या होत्या. नैराश्य आल्याने त्यांनी किटकनाशक औषध पिऊन मंत्रालयासमोर (Mantralaya) आत्महत्येचा प्रयत्न केला होता. पोलिसांनी तात्काळ त्यांना ताब्यात घेऊन, जेजे रुग्णालयात उपचारांसाठी दाखल केले होते.

शीतल यांच्यावर जेजे रुग्णालयात उपचार सुरू होते. आज, मंगळवारी उपचार सुरू असताना त्यांचा मृत्यू झाला. या प्रकरणी मरीन ड्राइव्ह पोलीस अधिक तपास करत आहेत. मंत्रालयाजवळ येण्याआधीच किटकनाशक औषध पिऊन त्या आल्या असल्याची माहिती तपासात समोर आल्याचे सांगण्यात येत आहे.

काय आहे प्रकरण?

शीतल गादेकर २०२० पासून सातत्याने पाठपुरावा करून जागेसंदर्भात आपल्याला न्याय मिळावा, असे त्यांचे म्हणणे होते. गेल्या महिन्यात त्यांनी मंत्रालयासमोर आत्मदहन करण्याचा इशाराही दिला होता. नैराश्य आल्याने त्यांनी मंत्रालयासमोर विष पिऊन आत्महत्येचा प्रयत्न केला होता. त्यानंतर त्यांची प्रकृती खालावली. त्यांना तातडीने रुग्णालयात दाखल करण्यात आले होते. उपचारादरम्यान त्यांचा मृत्यू झाला.