Mumbai : अभिनेते अनू कपूर यांची लाखोंची ऑनलाईन फसवणूक करणारा गजाआड; आरोपीला बिहारमधून अटक

सिनेअभिनेते अनू कपूर यांचे बँक खात्याची केवायसीच्या नावाखाली फसवणूक करणाऱ्या आरोपीस बिहारमधून अटक करण्यात आली आहे
mumbai crime news
mumbai crime news saam tv

संजय गडदे

Mumbai Crime News : सिनेअभिनेते अनू कपूर यांचे बँक खात्याची केवायसीच्या नावाखाली फसवणूक करणाऱ्या आरोपीस बिहारमधून अटक करण्यात आली आहे. ओशिवरा पोलिसांच्या सायबर विभागाने केली ही कारवाई केली आहे. अटक करण्यात आलेल्या आरोपीचे नाव आशिष जगदीश पासवान (28 वर्ष) आहे. (Latest Marathi News)

mumbai crime news
Shraddha Walkar Case: श्रद्धाच्या पत्राची महाराष्ट्र पोलिसांनी दखल का घेतली नाही? आशिष शेलारांची चौकशीची मागणी

पोलिसांनी दिलेल्या माहितीनुसार, २९ सप्टेंबर रोजी पावणे अकराच्या सुमारास फिर्यादी यांना एक फोन कॉल आला समोरील व्यक्तीने एचएसबीसी बँकेच्या मुख्य शाखेतून बोलत असल्याचे सांगून आपण आपल्या बँक खात्याची केवायसी केली नाही, तर बँकेचे खाते बंद होईल, असे सांगून अनू कपूर यांना विश्वासात घेऊन त्यांचे बँक खाते क्रमांक आणि मोबाईलवर आलेला ओटीपी क्रमांक घेतला.

त्यानंतर अनू कपूर यांच्या खात्यातील तब्बल चार लाख 36 हजार रुपये काढून त्याने फसवणूक केली. खात्यातून पैसे गेल्याची बाब लक्षात येताच अनू कपूर यांनी यासंबंधीची तक्रार ओशिवरा पोलीस ठाण्यात येऊन नोंदवली.

mumbai crime news
Pune Crime News : गर्लफ्रेंडसाठी त्याने चक्क पत्नीला संपवलं; पुण्यातील धक्कादायक घटना

तक्रारीची तात्काळ दखल घेऊन ओशिवरा पोलिसांच्या सायबर पथकाने प्राप्त माहितीच्या आधारे व आरोपीने ज्या खात्यामध्ये पैसे वळवले होते. त्या खात्यांची केवायसीसाठी वापरण्यात आलेले डॉक्युमेंट तपासून ते खाते आशिष जगदीश पासवान याच्या नावे असल्याचे शोधले.

यानंतर खात्याशी संबंधित मोबाईल नंबर बंद असल्यामुळे मोबाईलच्या आयएमइआय क्रमांकाच्या आधाराने आरोपीचा शोध घेतला. मोबाईल लोकेशन तपासले असता तो बिहार येथे असल्याचे आढळून आले. यानंतर सायबर पोलिसांचे एक पथक बिहारमध्ये (Bihar) जाऊन आरोपीला अटक करून घेऊन आले आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com