Mumbai Crime News : मागील काही महिन्यांपासून बाजारात मोठ्या प्रमाणात बोगस नोटा आढळून येत आहेत. या नोटा चलनात आणणाऱ्या आरोपींच्या मुसक्या आवळण्यास पोलिसांनी सुरूवात केली आहे. अशातच, मुंबई पोलिसांनी बनावट नोटा जवळ बाळगून त्या बाजारात वापरणाऱ्या एका आरोपीला अटक केली आहे. (Mumbai Crime News)
त्याच्याकडून अंदाजे ६० हजार रुपये किंमतीच्या बनावट नोटा जप्त करण्यात आल्या आहेत. हनीफ शेख वय (३३ वर्ष) असं अटक करण्यात आलेल्या आरोपीचं नाव आहे. मालवणी पोलिसांनी (Police) ही धडाकेबाज कारवाई केली. आरोपीकडून जप्त करण्यात आलेल्या २०० रुपयांच्या आहेत.
प्राप्त माहितीनुसार, आरोपी हनीफ शेख हा पेशाने चित्रकार असून तो बनावट नोटा बनवायचा. या नोटांचा वापर तो बाजारात करायचा. आरोपी इतका चालाख होता की तो याची कुणालाही कुणकुण लागू देत नव्हता. मात्र, याची माहिती खबऱ्याला लागली.
खबऱ्याकडून माहिती मिळताच, पोलिसांनी तातडीने सापळा रचून आरोपी हनीफ शेख याला अटक केली. त्याच्याकडून २०० रुपयांच्या बनावट नोटा जप्त करण्यात आला. या नोटा ६० हजार रुपये किंमतीच्या असून त्या तपासासाठी पाठवण्यात आल्या आहेत. या घटनेचा पुढील तपास सुरू आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
