Shardashram Vidyamandir International School News : फी भरली नाही म्हणून विद्यार्थिनीला परिक्षेस बसू न देता वर्गातून बाहेर काढल्याचा प्रकार मुंबईतील एका शाळेत घडला. या धक्कादायक प्रकाराची माहिती विद्यार्थिनीच्या पालकांना समजताच त्यांनी पाेलिस ठाण्यात धाव घेतली. पाेलिसांनी (police) पालकांच्या तक्रारीनंतर शाळेचे मुख्याध्यापक आणि विद्यार्थिनीच्या (student) वर्ग शिक्षिकेविरुद्ध गुन्हा दाखल केला आहे.
दादर येथे शारदाश्रम इंटरनॅशनल शाळा आहे. या शाळेत सध्या परिक्षा सुरु आहे. शाळेची फी न भरल्याने इयत्ता दुसरीतील एका विद्यार्थीनीला अकरा जानेवारीला शिक्षकांनी परीक्षेस बसण्यास नकार दिला. संबंधित विद्यार्थीनीला अन्य वर्गात दोन पुरुष शिक्षकांच्या देखरेखीखाली ठेवण्यात आले. (Breaking Marathi News)
या प्रकाराची माहिती मुलीच्या पालकांना समजली. त्यानंतर मुलीच्या आईने (mother) दादर पोलिस ठाण्यात जाऊन शाळेत घडलेला प्रकार कथन करुन गुन्हा दाखल करावा यासाठी मागणी केली. आईने दिलेल्या तक्रारीनंतर पाेलिसांनी मुख्याध्यापिका आणि वर्गशिक्षिका (teacher) यांच्यावर गुन्हा दाखल केला.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
