Mumbai Metro: PM मोदींच्या हस्ते मुंबई मेट्रो 2A आणि 7 मार्गांचे लोकार्पण, किती असेल तिकीट दर, पाहा डिटेल्स

12600 कोटी रुपये खर्चाच्या मुंबई मेट्रो मार्गिका 2 अ आणि 7 चे लोकार्पण झाल्याने याचा मोठा फायदा मुंबईकरांना होणार आहे.
Mumbai Metro 2 A & 7 A
Mumbai Metro 2 A & 7 A Saamtv

Mumbai: देशाचे लाडके पंतप्रधान नरेंद्र मोदी आज मुंबई दौऱ्यावर येत आहेत. मुंबईतील विविध विकासकामांच्या उद्घाटनासाठी पंतप्रधान नरेंद्र मोदींचा हा दौरा आयोजित करण्यात आला आहे. त्यांच्या दौऱ्यासाठी मुंबईनगरी सज्ज झाली आहे. पंतप्रधान नरेंद्र मोदी (Narendra Modi) यांच्या या दौऱ्यानिमित्त चोख बंदोबस्त ठेवण्यात आला आहे.

यावेळी मुंबईतील मेट्रो मार्ग 7 (टप्पा 2) आणि मार्ग 2 अ (टप्पा 2) चे लोकार्पण पंतप्रधान नरेंद्र मोदी यांच्या हस्ते होत आहे. 

Mumbai Metro 2 A & 7 A
Ind vs NZ ODI Series: वादळी खेळीचे सिक्रेट काय? शुभमन गिलने स्पष्टच सांगितले; म्हणाला, 'मला वाटले नव्हते पण....'

12600 कोटी रुपये खर्चाच्या मुंबई मेट्रो मार्गिका 2 अ आणि 7 चे लोकार्पण झाल्याने याचा मोठा फायदा मुंबईकरांना होणार आहे. दहिसर पूर्व आणि डीएन नगर (पिवळी लाईन) यांना जोडणारी मेट्रो मार्गिका 2 अ ही सुमारे 18.6 किमी लांबीची आहे. तर अंधेरी पूर्व - दहिसर पूर्व (लाल लाईन) यांना जोडणारी मेट्रो मार्गिका 7 सुमारे 16.5 किमी लांबीची आहे.

मुंबई मेट्रो लाईन 2A मध्ये 17 स्थानके आहेत, ती म्हणजे अंधेरी (पश्चिम), पहाडी गोरेगाव, लोअर मालाड, मालाड (पश्चिम), एकसर, मंडपेश्वर, कंदरपाडा, अप्पर दहिसर आणि दहिसर (पूर्व), लोअर ओशिवरा, ओशिवरा, गोरेगाव (पश्चिम), वलणई, डहाणूकरवाडी, कांदिवली (पश्चिम), पहाडी एकसर, बोरिवली (पश्चिम). ही मेट्रो लाईन दहिसर पूर्व येथील मेट्रो लाईन 7 ला छेदेल.

Mumbai Metro 2 A & 7 A
Metro7 Update: एप्रिलमध्ये धावणार मुंबई 'मेट्रो 7'; 10 किमीसाठी 'इतकं' असेल तिकीट (पहा Video)

तिकीट दर किती असेल?

मुंबई मेट्रो (Mumbai Metro) रेल्वे कॉर्पोरेशनने मेट्रो 7 आणि मेट्रो 2अ या दोन्ही मार्गिकांच्या तिकीट दरांची घोषणा केली आहे. या मार्गिकांसाठी तिकीट दर 10 रुपयांपासून ते 50 रुपयांपर्यंत असणार आहे. ते अंतरानुसार विभागले जातील.

यामध्ये 0-3 किमीसाठी 10 रुपये तिकीट दर असेल. त्याचबरोबर 3-12 किमीसाठी 20 रुपये आकारले जातील. 12-18 किमीसाठी 30 रुपये असेल. याचप्रमाणे 18-24 किमीसाठी 40 रुपये आणि 24-30 किमीसाठी 50 रुपये मोजावे लागतील.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com