3ऱ्या लाटेसाठी महापालिका खासगी रुग्णालयांचे बेड ताब्यात घेणार

कोरोनाच्या (Covid 19) तिसऱ्या लाटेचा सर्वाधिक धोका पुणे आणि मुंबई शहरांसाठी वर्तवला गेलाय.
3ऱ्या लाटेसाठी महापालिका खासगी रुग्णालयांचे बेड ताब्यात घेणार
3ऱ्या लाटेसाठी महापालिका खासगी रुग्णालयांचे बेड ताब्यात घेणार

अश्विनी जाधव केदारी

पुणे- कोरोनाच्या (Covid 19) तिसऱ्या लाटेचा सर्वाधिक धोका पुणे आणि मुंबई शहरांसाठी वर्तवला गेलाय. तिसऱ्या लाटेच्या पार्श्वभूमीवर पुणे महापालिका सज्ज झाली आहे. खाजगी रुग्णालयांना बेड ताब्यात घेण्यासंदर्भात पालिकेने पत्रव्यवहार केला असून कोरोनाच्या 2 लाटेचा अनुभव पाहता 3 ऱ्या लाटेसाठी (Covid 19 third wave) तयार असल्याचे पुणे महापालिकेने स्पष्ट केले आहे. आरोग्य प्रमुख डॉ आशिष भारती याबाबत माहिती दिली आहे.

हे देखील पहा-

यासाठी कोरोनाच्या तिसऱ्या लाटेच्या पार्श्वभूमीवर कधीही बेड ताब्यात घेतले जातील, त्यामुळे तयारीत रहा, अशा आशयाचे पत्र पुणे महापालिकेच्या आरोग्य विभागाने सर्व खासगी रुग्णालयांना पाठवले आहे. यापूर्वी कोरोनाच्या दोन लाटांमध्ये सुमारे दहा हजारांपेक्षा जास्त बेड म्हणजे सुमारे 80 टक्के बेड खासगी रुग्णालयांकडून ताब्यात घेतले होते. त्यामध्ये साधे, ऑक्सिजनयुक्त, अतिदक्षता विभागातील आणि व्हेंटिलेटर बेडचा समावेश होता.

कालांतराने फेब्रुवारीच्या पहिल्या आठवड्यापासून बाधितांची संख्या खूप वेगाने वाढली. पण त्यानंतर जुलैमध्ये रुग्णसंख्या पुन्हा कमी होण्याला सुरूवात झाल्याने नियंत्रणाखाली आणलेल्या 80 टक्के बेडपैकी 50 टक्के बेड हे रुग्णालयांना अन्य रुग्णांसाठी वापरण्याला परवानगी दिली. आता मात्र पुन्हा 3 ऱ्या लाटेचा धोका ओळखून महापालिकेने खाजगी रुग्णालयांना बेड कधीही ताब्यात घेऊ यासंदर्भात आदेश दिले असल्याचे आरोग्य प्रमुख डॉ आशिष भारती यांनी सांगितले आहे.

3ऱ्या लाटेसाठी महापालिका खासगी रुग्णालयांचे बेड ताब्यात घेणार
माझी नाही, लोकांचीच जिरली! पराभवानंतर राम शिंदेंचे विश्लेषण

इंडियन मेडिकल असोसिएशनचे डॉ संजय पाटील यांनी दिलेल्या माहितीनुसार, पुणे महापालिकेने बेड व्यवस्थापनासंबंधी आरोग्य विभागाला सूचना केल्या आहेत, दरम्यान , आता रुग्णालयांनीही कोविड नियंत्रणाची तयारी सुरू करावी , असे  पालिकेने दिलेल्या या पत्राद्वारे कळवण्यात आले आहे, दरम्यान नागरिकांनी घाबरून न जाता कोरोनाचे नियम काटेकोरपणे पाळण्याचे डॉक्टर सांगतात.

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com