नवी मुंबई- नशा मुक्त नवी मुंबई या अभियानाअंतर्गत नवी मुंबई पोलिसांनी सुरू केलेल्या मोहिमेला मोठं यश प्राप्त झालं आहे. गुप्त बातमीदारामार्फत मिळालेल्या माहितीनुसार सापळा रचत नवी मुंबई (Navi Mumbai) पोलिसांनी 4 टेम्पो आणि एका गोदामावर धाड टाकली असता त्याठिकाणी मोठ्या प्रमाणात विमल कंपनीच्या गुटख्याच्या साठा हाती लागला आहे. यावेळी अन्न व औषध प्रशासन विभागाला देखील पाचारण करण्यात आले. नवी मुंबई पोलिसांनी (Navi Mumbai Police) 42 लाख 72 हजार किंमतीचा विमल कंपनीचा गुटखा आणि या गुटख्याची वाहतूक करण्यासाठी असलेले 4 टेम्पो असा एकूण 60 लाख 72 हजार किंमतीचा मुद्देमाल जप्त केला आहे. (Navi Mumbai Latest News)
हे देखील पहा -
या अवैध गुटखा विक्री प्रकरणी नवी मुंबई पोलिसांनी 7 आरोपींना अटक केली आहे. हे आरोपी परराज्यातून छुप्या मार्गाने कमी दरात गुटखा खरेदी करून नवी मुंबईतील एमआयडीसी विभागातील भाड्याच्या गोदामामध्ये साठवत असे आणि नंतर छोट्या टेम्पोमधून मुंबई, नवी मुंबई व ठाणे मध्ये व्यावसायिकांना ज्यादा दराने विक्री करत होते. या प्रकरणाचा अधिक तपास नवी मुंबई पोलीस करत आहेत.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.