मुंबई - एनसीबी अधिकारी समीर वानखेडे Sameer Wankhede यांच्या अडचणीत आणखी वाढ होण्याच्या शक्यता आहेत. अल्पसंख्याक मंत्री नवाब मलिक Nawab Malik यांनी एक मोठा गौप्यस्फोट केला आहे. वानखेडे हे मुस्लीम असल्याचा दावा नवाब मलिक यांनी केला होता. त्याबाबत त्यांनी अजून एक पुरावा समोर आणत कबूल है,कबूल है,कबूल है, समीर दाऊद वानखडे ये तुने क्या किया? असा सवाल विचारला आहे. नवाब मलिक यांनी ट्विटरच्या माध्यमातून समीर वानखडे यांचा पहिला निकहाचा फोटो ट्विट केला आहे.त्यात वानखडे सही करताना दिसत आहेत. दरम्यान मुंबई उच्च न्यायालयात आज नवाब मलिक यांच्या विरोधात न्यानदेव वानखडे यांनी दाखल केलेल्या याचिकेवर सुनावणी आहे.
वानखेडे यांनी वारंवार आपला धर्म मुस्लीम नसल्याचा दावा केला आहे. त्यावर नवाब मलिक यांनी वानखेडे यांच्या शाळेचे दाखले देखील काही दिवसांपूर्वी समोर आणले, ज्यामध्ये काही ठिकाणी त्यांचे नाव समीर ज्ञानदेव वानखेडे धर्म हिंदू, तर काही ठिकाणी समीर दाऊद वानखेडे धर्म मुस्लीम असे दिसून येतं आहे. त्यानंतर नवाब मलिक यांनी मध्यरात्री हा बॉम्ब टाकत हा फोटो समोर आणला आहे. दरम्यान, मुंबई उच्च न्यायालयात आज नवाब मलिक यांच्या विरोधात ज्ञानदेव वानखडे यांनी दाखल केलेल्या याचिकेवर सुनावणी आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.