Jayant Patil : गुवाहाटीत गेलेले काही आमदार गुप्तहेर? जयंत पाटील काय म्हणाले? वाचा...

जयंत पाटील यांनी गुवाहाटीमध्ये गेलेल्या आमदारांबाबत खळबळजन विधान केलं आहे.
Jayant Patil : गुवाहाटीत गेलेले काही आमदार गुप्तहेर? जयंत पाटील काय म्हणाले? वाचा...
Jayant Patil News, Eknath Shinde News, Maharashtra Political CrisisSaam TV

मुंबई : गेल्या दोन दिवसांपासून राज्यात राजकीय घडामोडींना वेग आला आहे. एकनाथ शिंदे (Eknath Shinde) यांनी शिवसेनेच्या जवळपास 40 आमदारांना घेऊन बंड केल्यानंतर महाविकास आघाडी सरकार संकटात आहे. एकीकडे शिवसेनेकडून (ShivSena) या आमदारांना परत आणण्यासाठी प्रयत्न सुरू आहे. अशातच राष्ट्रवादी कॉंग्रेसचे नेते जयंत पाटील (Jayant Patil) यांनी एक मोठा खुलासा केला आहे. गुवाहाटीत दाखल झालेले शिवसेनेचे सगळेच आमदार हे बंडखोर नसून त्यातील काही आमदार हे गुप्तहेर असल्याचं जयंत पाटील यांनी म्हटलं आहे. (Jayant Patil latest News)

Jayant Patil News, Eknath Shinde News, Maharashtra Political Crisis
...तर उद्धव ठाकरेंना पक्षासाठी नवीन चिन्ह शोधावं लागेल; घटनातज्ज्ञ काय म्हणाले पाहा

राज्यात सुरू असलेल्या राजकीय घडामोडीच्या पार्श्वभूमीवर राष्ट्रवादी कॉंग्रेसच्या प्रमुख नेत्यांची बैठक आज पार पडली. राष्ट्रवादीचे सर्वेसर्वा शरद पवार यांच्या अध्यक्षतेखाली पार पडलेल्या या बैठकीत अनेक महत्वपूर्ण विषयावर चर्चा झाली. या बैठकीनंतर राष्ट्रवादी कॉंग्रेसचे नेते जयंत पाटील यांनी काही महत्वपूर्ण खुलासे केले आहेत. त्यातील एक मोठा खुलासा म्हणजे गुवाहाटीत दाखल झालेले शिवसेनेचे सगळेच आमदार हे बंडखोर नसून त्यातील काही आमदार हे गुप्तहेर आहे. असं जयंत पाटील यांनी म्हटलं आहे. (Eknath Shinde Latest Marathi News)

Jayant Patil News, Eknath Shinde News, Maharashtra Political Crisis
Eknath Shinde News : एकनाथ शिंदे गटाला मोठी ऑफर? राज्यात ८ कॅबिनेट मंत्रिपदे, केंद्रात ३ मंत्रिपदांची शक्यता

एकीकडे शिवसेनेच्या आमदारांसह खासदारही एकनाथ शिंदे यांच्या संपर्कात येत आहेत. तर दुसरीकडे जयंत पाटील यांनी केलेलं हे खळबळजनक विधान शिंदे गटात फुट पाडण्याचा प्रयत्न तर नाही ना, अशी चर्चा आता राजकीय वर्तुळात सुरू झाली आहे. दरम्यान पुढे बोलताना जयंत पाटील म्हणाले की, महाविकास आघाडी सरकार पडू नये, यासाठी उद्धव ठाकरेंना राष्ट्रावादी काँग्रेस पूर्णपणे मदत करणार आहेत. त्याचप्रमाणे एकनाथ शिंदेंच्या बंडाची कारणं आणि शिवसेनेच्या अंतर्गत वादाची आम्हाला माहिती नाही, असं ही त्यांनी स्पष्ट केलं. (NCP Latest News)

Jayant Patil News, Eknath Shinde News, Maharashtra Political Crisis
सर्वात मोठी बातमी! आमदारांनंतर आता शिवसेनेचे खासदारही फुटणार? सूत्रांची माहिती

बंडखोरी केलेले आमदार आज ना उद्या परत येतीलच शिवसेना आमदार परतले की चित्र अधिक स्पष्ट होईल. त्यानंतरही आम्ही शिवसेनेसोबत आणि उद्धव ठाकरे यांच्या पाठीशी खंबीरपणे उभे आहोत, असं जयंत पाटील यांनी नमूद केलं. गेलेले आमदार परत येतील, असा विश्वास आम्हाला आजही वाटतोय. उद्धव ठाकरे यांनी फेसबुक लाईव्हच्या माध्यमातून जी साद घातली आहे, त्याला सकारात्मक प्रतिसाद सर्व आमदार देतील, अशी खात्री आम्हाला वाटतेय, असं जयंत पाटील यांनी म्हटलं आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com