पुणे : खासदार हा मतदार संघात नाही तर संसदेत दिसायला हवा आणि त्या खासदाराचे काम मतदार संघात दिसले पाहिजे आणि माझे काम मतदार संघात जनतेला दिसतंय असं म्हणत शिरुर लोकसभेचे खासदार अमोल कोल्हेंनी (Amol Kolhe) संजय राऊतांना प्रत्युत्तर दिलं आहे.
हे दार नाही तर ते दार, ते दार नाही तर पलीकडचं दार आपण कुठं ही जाऊ, पण शिवाजीराव आढळराव पाटील (Shivajirao Adhalrao Patil) संसदेत जाणारच, शिवाजी आढळराव पाटील हे 24 बाय 7 ऍक्टिव्ह असतात. पण शिरूरचे खासदार कधी दिसतात का तुम्हाला असं म्हणत त्यांनी राष्ट्रवादीचे खासदार अमोल कोल्हेंवर शिवसेना नेते खासदार संजय राऊत यांनी काल आंबेगाव तालुक्यातील लांडेवाडी येथे शिवसेना कार्यकर्ता मार्गदर्शन मेळाव्यात केली होती.
शिवाय आता महाविकास आघाडी असल्याने मला काही पथ्य, बंधनं पाळावी लागतायेत. जी माझ्या तत्वात बसत नाहीत, नाहीतर हा राऊत गप बसला असता का? असा सवाल ही त्यांनी उपस्थित कार्यकर्त्यांना केला होता. राऊतांच्या याच वक्तव्यावर राष्ट्रवादीचे (NCP) खासदार अमोल कोल्हे यांनी उत्तर दिलं आहे.
हे देखील पाहा -
नेता उमेदवार देऊ शकतो. पण त्या मतदार संघाचे प्रतिनिधीत्व कुन्ही करावं हे फक्त जनताच ठरवते आणि जनतेने माझ्यावर विश्वास टाकल्याचे सांगत, खासदार हा मतदार संघात नाही तर संसदेत दिसायला हवा आणि त्या खासदाराचे काम मतदार संघात दिसले पाहिजे आणि माझे काम मतदार संघात जनतेला दिसतय असं म्हणत शिरुर लोकसभेचे खासदार अमोल कोल्हेंनी संजय राऊतांना टाला लगावला आहे.
Edited By - Jagdish Patil
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.