सदाभाऊ खोत यांना कशाला सुरक्षा पाहिजे ? राष्ट्रवादीच्या 'या' नेत्याचा सवाल

सदाभाऊ खोत यांच्या सुरेक्षा पुरवण्यावरून राष्ट्रवादी काँग्रेसच्या (NCP) अनिल पाटील यांनी प्रश्न उपस्थित केले आहेत. सदाभाऊ खोत यांना कशाला सुरक्षा दिली , असा सवाल राष्ट्रवादीच्या अनिल पाटील यांनी केला आहे.
सदाभाऊ खोत यांना कशाला सुरक्षा पाहिजे ? राष्ट्रवादीच्या 'या' नेत्याचा सवाल
Sadabhau Khot Saam Tv

श्रेयस सावंत

मुंबई : माजी कृषी राज्यमंत्री सदाभाऊ खोत (Sadabhau Khot) यांना सोलापूरमध्ये एका हॉटेल चालकाने अडवल्यानंतर राज्यात एकच चर्चा सुरु झाली होती. त्यानंतर सदाभाऊ खोत यांचा सुरक्षेचा प्रश्न ऐरणीवर आल्याने राज्य सरकारने वाय दर्जाची सुरक्षा दिली आहे. मात्र, सदाभाऊ खोत यांच्या सुरेक्षा पुरवण्यावरून राष्ट्रवादी काँग्रेसच्या (NCP) अनिल पाटील यांनी प्रश्न उपस्थित केले आहेत. सदाभाऊ खोत यांना कशाला सुरक्षा दिली , असा सवाल राष्ट्रवादीच्या अनिल पाटील यांनी केला आहे. ( Maharashtra Politics News In Marathi )

Sadabhau Khot
हॉटेलची उधारी मागणारा व्यक्ती राष्ट्रवादीचा कार्यकर्ता; सदाभाऊ खोत यांनी दिला 'हा' पुरावा

अनिल पाटील म्हणाले, 'सदाभाऊ खोत आणि हॉटेल मालकामधल्या वादावर मी काही बोलणार नाही. पण ज्या प्रमाणे सदाभाऊ खोत काही गोष्टी सांगतात किंवा जे आरोप शरद पवार आणि त्यांच्या कुटुंबावर लावतात तो अत्यंत चुकीचा आहे. खरं तर उधारी या विषयी त्यांनी विचार केला पाहिजे. सदाभाऊ खोत हा रांगडा माणूस आहे, त्यांना कशाला सुरक्षा पाहिजे. उलट त्यांच्यापासून लोकांना सुरक्षा (Security) द्या. त्याची जास्त गरज आहे. सदाभाऊ खोत यांना कशाला सुरक्षा दिली पाहिजे, यावर विचार करण्यासाठी मी गृहमंत्र्यांना विनंती करणार आहे.

Sadabhau Khot
प्रसाद लाड की भाई जगताप, कोण मारणार बाजी?; उद्याच्या निकालावर सर्वांच लक्ष

हॉटेलची उधारी मागणारा व्यक्ती राष्ट्रवादीचा कार्यकर्ता : सदाभाऊ खोत

दरम्यान, उधारीसाठी हॉटेल मालक शिनगारे यांनी सदाभाऊ खोत आणि त्यांच्या कार्यकर्त्यांशी चांगलीच हुज्जत घातली होती. या घटनेची राज्यात चांगलीच चर्चा सुरू झाली. यावरून सदाभाऊ खोत यांनी प्रतिक्रिया दिली आहे. 'दोन दिवस सोलापूरच्या दौऱ्यावर असताना अनुचित प्रकार घडला. त्यामागे राष्ट्रवादी काँग्रेस (NCP) असून याचा भांडाफोड मी करत आहे. हॉटेल मालक म्हणत आहे की, राष्ट्रवादीशी काही संबंध नाही. मात्र, राष्ट्रवादी काँग्रेस पक्षाच्या कार्यालयाच्या उद्घाटनावेळी लावण्यात आलेल्या एका बॅनरवर हॉटेल मालकाचा फोटो आहे. जयंत पाटील (Jayant Patil) यांच्या पत्रकावरही त्याचा फोटो आहे. निवडणुकीत मुलाच्या सांगण्यावरून जेवणावळ घातली असा आरोप केला आहे'.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com