मुंबई : राष्ट्रवादीचे सर्वेसर्वा शरद पवार (Sharad Pawar) यांनी वेदांत प्रकल्पावरून पहिल्यांदाच भाष्य केलंय. वेदांत प्रकल्प हा महाराष्ट्राच्या बाहेर जायला नको होता. हा प्रकल्प महाराष्ट्रासाठी महत्वाचा होता. आता आरोप-प्रत्यारोप करून काहीही साध्य होणार नाही, वेदांत प्रकल्पाचं खापर ठाकरे सरकारवर फोडणं अयोग्य आहे. महाराष्ट्राला नवीन काय मिळेल याकडे लक्ष दिलं पाहिजे असं शरद पवार म्हणालेत. (Sharad Pawar News)
इतकंच नाही तर, वेदांत प्रकल्पावरून त्यांनी पंतप्रधान नरेंद्र मोदी आणि मुख्यमंत्री एकनाथ शिंदे (Eknath Shinde) यांना टोलाही हाणलाय. 'महाराष्ट्रात मोठे प्रकल्प आणू, असे सांगणे म्हणजे लहान मुलांची समजूत काढण्यासारखे आहे, साधारणतः केंद्राची सत्ता हातात असेल तर काही प्रकल्प गुजरातला गेले त्यावर तक्रार करण्यात अर्थ नाही, गुजरातवर लक्ष दिलं तर साहाजिकच कुठल्याही माणसाला घरची ओढ असते. असं म्हणत नाव न घेता पवारांनी मोंदीना टोला हाणलाय.
"वेदांता प्रकल्प महाराष्ट्राबाहेर जाणे हे दुदैवी, गुजरातला गेलेला हा प्रकल्प पुन्हा येणे अशक्य आहे, महाराष्ट्रात मोठे प्रकल्प आणू, असे सांगणे म्हणजे लहान मुलांची समजूत काढण्यासारखे आहे," असंही शरद पवार यावेळी म्हणाले. (PM Modi Todays News)
राष्ट्रवादीचे सर्वेसर्वा शरद पवार यांनी आज पुण्यात पत्रकारपरिषद घेतली. या पत्रकारपरिषदेत त्यांनी ‘वेदान्त-फॉक्सकॉन’ प्रकरणावर आपली पहिली प्रतिक्रिया नोंदवली. प्रकल्प पुन्हा महाराष्ट्रात येण्याची शक्यता नाही असं स्पष्ट मत व्यक्त केलं आहे. त्याचप्रमाणे पवार यांनी हे नको व्हायला होतं. पण हे झालं आहे. आता झालं ते झालं याची चर्चा बंद करुन नवं काय करता येईल त्याची चर्चा करु असं मत व्यक्त केलं आहे.
उद्धव ठाकरेंच्या सरकारमध्ये उदय सामंत, एकनाथ शिंदे मंत्री होते. हे दोघे ज्या मंत्रिमंडळात होते, त्या मंत्रीमंडळाने दुर्लक्ष केल्याचे आरोप केले. मला वाटतं हे शहाणपणाचं लक्षण नाही. पंतप्रधानांच्या भेटीची चर्चा झाली. ते मदत करतील, तर आनंद आहे. पण आणखीन एक प्रकल्प महाराष्ट्राला देऊ असं म्हणतायत,” असं सांगत शरद पवार यांनी एक उदाहरण दिलं. “एका घरात एका लहान मुलाला एक फुगा दिला, दुसऱ्या मुलाच्या हट्टानंतर त्याला त्याहून मोठा फुगा देऊ असं म्हणणं असा हा प्रकार आहे,” असा टोला पवारांनी लगावला.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.