पुण्यात राष्ट्रवादीच्या पदाधिकाऱ्याला मारहाण; कार्यालयाचीही तोडफोड

ज्ञानेश्वर हिंगोलीकर -

पुणे : पुण्यातील राष्ट्रवादी कॉंग्रेसचे (NCP) पदाधिकारी आप्पा जाधव यांना मारहाण झाल्याची घटना समोर आली आहे. आप्पा जाधव यांच्या नारायण पेठेतील जनसंपर्क कार्यालयाची तोडफोड देखील करण्यात आली आहे. असून ही माथाडी सेलच्या माजी अध्यक्षासह काही कार्यकर्त्यांनी मारहाण केली असल्याची माहिती समोर येत आहे.

मध्यंतरी भाजपाचे प्रवक्ते विनायक आंबेकर यांच्या कानशिलात आप्पा जाधव (Appa Jadhav) यांनी लगावली होती. त्यामुळे त्यांना मारहाण झाली असल्याची शक्यता वर्तविण्यात येत आहे.

हे देखील पाहा -

या मारहाण आणि तोडफोड प्रकरणी विश्रामबाग पोलिस ठाण्यात (Vishrambag Police Station) गुन्हा दाखल करण्याची प्रक्रिया सुरु झाली असून, या प्रकारामुळे राष्ट्रवादी विरुद्ध भाजप यांच्यातील तणाव वाढण्याची शक्यता आहे.

जाधव हे राष्ट्रवादी पक्षाचे सरचिटणी म्हणून कार्यरत असून. जाधव नारायण पेठेत येणाऱ्या चौकात हॉटेल मुरलीधरजवळ जनसंपर्क कार्यालय आहे. जाधव हे त्यांच्या कार्याकर्त्यांसमवेत त्यांच्या जनसंपर्क कार्यालयामध्ये बसले होते. त्यावेळी भाजपच्या माथाडी सेलचे माजी अध्यक्ष संतोष कांबळे हे त्यांच्या काही कार्यकर्त्यांना साथीदारांसह जाधव यांच्या जनसंपर्क कार्यालयातं जाऊन मारहाण करण्यास सुरुवात केली. या मारहाणीमध्ये जाधव यांना जबर दुखापत झाली आहे.

Edited By - Jagdish Patil