- सिद्धेश म्हात्रे
Nerul Police News : एमबीबीएसला ऍडमिशन मिळवुन देण्याचे अमिष दाखवुन गरजु विदयार्थी व पालकांची फसवणूक करणाऱ्या आंतरराज्य टोळीचा नेरुळ पोलिसांनी परदाफाश केला आहे. पोलिसांनी तांत्रिक तपास करत पाच संशयितांना अटक केली. (Maharashtra News)
नेरुळमधील डी. वाय. पाटील वैद्यकीय महाविद्यालयात (D.Y.Patil Medical College) ऍडमिशनचे अमिश दाखवून छत्तीसगड मधील विनोदनी यादव यांची तब्बल 33 लाख 50 हजार रुपयांची फसवणूक झाली होती. याप्रकरणी यादव यांनी पाेलिसांत (police) तक्रार नाेंदवली.
पोलिसांनी तांत्रिक तपास करत पाच संशयितांना अटक केली. या टोळी मार्फत नीट परीक्षा दिलेल्या विद्यार्थ्यांचा डाटा घेऊन सोशल माध्यमाचा वापर करुन विद्यार्थ्यांना संपर्क साधला जायचा. विद्यार्थी व पालक आपल्या जाळ्यात अडकताच संबंधित चोरटे वैद्यकीय महाविद्यालयात घेऊन जात आपली ओळख असल्याचे भासवत.
यासोबतच मेडिकल कॉलेजचे बनावट लेटर हेड, शिक्का आणि ई-मेल आयडीचा वापर करुन विद्यार्थी (students) व पालकांचा विश्वास संपादन करत होते. पैसे मिळताच हे सर्व संशयित रफू चक्कर होत होते.
या टोळीने आतापर्यंत मुंबई (mumbai), नवी मुंबई (navi mumbai), अलिबाग आणि भंडारा मधील नामांकित वैद्यकीय कॉलेजमध्ये ऍडमिशन देण्याच्या बहाण्याने याब्बल तीन कोटी तीस लाख रुपयांची फसवणूक केली आहेे अशी माहिती मिलिंद भारंबे (नवी मुंबई, पोलीस आयुक्त) यांनी दिली. (Tajya Batmya)
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.