>> सचिन गाड
ACP Nitin Bobde Death News : येलो गेट विभागाचे सहाय्यक पोलीस आयुक्त नितीन बोबडे यांचं निधन झालं आहे. ते ५५ वर्षांचे होते. बोबडे कार्यालयात असतानाच दुपारी दोन ते चारच्या सुमारास त्यांचे निधन झाले. हृदयविकाराच्या झटक्याने त्यांचे निधन झाल्याची शक्यता पोलिसांनी वर्तवली आहे.
मिळालेल्या माहितीनुसार नितीन बोबडे सकाळी १० च्या सुमारास कर्तव्यावर हजर झाले होते. दुपारी दोन वाजण्याच्या दरम्यान बोबडे यांनी जेवणं केलं आणि त्यानंतर आपल्या कक्षात विश्रांती घेत होते.
दरम्यान पावणे चारच्या सुमारास कर्मचाऱ्यांनी दार वाजवल्यानंतर त्यांनी आतून कोणतीही प्रतिक्रिया दिली नाही. यामुळे कर्मचाऱ्यांनी आत जाऊन पाहिले तेव्हा बोबडे कोणतीही प्रतिक्रिया देत नसल्याचे त्यांच्या लक्षात आले. (Latest Marathi News)
यानंतर कर्मचाऱ्यांनी तात्काळ त्यांना सेंट जॉर्ज रुग्णालयात उपचारासाठी दाखल केले. डॉक्टरांनी शर्थीच प्रयत्न केले मात्र त्यांना वाचवण्यात पोलिसांना यश आले नाही. सध्या सेंट जॉर्ज रुग्णालयात त्यांच्या मृतदेहावर शवविच्छेदन सुरू आहे. त्यांच्या मृत्यूने पोलिस खात्यात हळहळ व्यक्त केली जात आहे. (Mumbai News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
