काँग्रेस आज भाजपवर हसतय, एक दिवस पुर्ण देशात आमची सत्ता असेल.., मुंडेंनी ट्विट केली 'अटलवाणी'

रश्मी पुराणिक -

मुंबई : काल देशातील उत्तर प्रदेश (UP) उत्तराखंड, गोवा (Goa), पंजाब आणि मणिपूर या पाच राज्यांच्या विधानसभा निवडणुकांचे निकाल जाहीर झाले या सर्व निकालांमध्ये भाजपने (BJP) सर्वाधिक जागा मिळवत पाचपैकी चार राज्यांमध्ये आपलं सरकार एकहाती स्थापन करण्याचा दावा देखील केला आहे.

संपुर्ण देशभरात भाजपचे (BJP) कार्यकर्ते विजयाचा जल्लोष साजरा करत असताना भाजपनेत्या पंकजा मुंडे (Pankaja Munde) यांनी काँग्रेसवर निशाना साधत आणि भाजपचे दिवंगत नेते भाजपचे तेंव्हाचे सर्वेसर्वा अटल बिहारी वाजपेयी यांचा पराभव झाला त्यावेळी त्यांनी केलेल्या वक्तव्याचा पेपर मधील फोटो ट्वीट केला आहे. या फोटोमध्ये अटल बिहारी वाजपेयी (Atal Bihari Vajpayee) यांनी 1997 मध्ये एनडीए चं सरकार पडलं त्यावेळी केलेलं वक्तव्य आहे.

भाजपचा पराभव केवळ एक मताने झाल्याने काँग्रेस (Congress) नेते वाजपेयी यांच्यावर हसले होते त्यामुळे त्यांनी काँग्रेसला उद्देशून वक्तव्य केलं होत.

'आज आमचे सरकार केवळ एका मताने पडलं आहे. आमचे उमेदवार कमी आहेत म्हणून काँग्रेस आमच्यावरती हसत आहे, मात्र काँग्रेसने एक गोष्ट कधीच विसरू नये, एक दिवस असा येईल पुर्ण भारतवर्षामध्ये भाजपची सत्ता येईल आणि सगळे काँग्रेसवर हसतील असं त्यांनी म्हंटलं होत तेच आज पंकजा मुंडेनी ट्वीट केलं आहे.'

यामधून 'अटलवाणी' खरी ठरल्याचं तर दिसत आहेच शिवाय भाजपने केलेली घौडदौड देखील त्यांनी यामधून अधोरेखीत केली आहे.

Edited By - Jagdish Patil