पुणे : पुण्यातील (Pune) लष्कर परिसरात एका नाागरिकावर गोळीबार झाल्याची घटना समोर आली आहे. ही घटना लष्कर परिसरातील फॅशन स्ट्रीट परिसरात ही घटना घडली. या गोळीबारात एकजण जखमी झाला आहे. जखमीला रुग्णालयात दाखल केले आहे. एका विरोधात पोलिसात (Police) गुन्हा दाखल करण्यात आला आहे.
पोलिसांनी दिलेली माहिती अशी, लष्कर भागातील गजबजलेल्या फॅशन स्ट्रीट परिसरात एकावर छऱ्याच्या बंदुकीतून गोळीबार करण्यात आली. ही घटना मंगळवारी रात्री घडली. ही घटना पूर्ववैमनस्यातून घडली असल्याची शक्यता आहे.
तौफिक अख्तर शेख (वय ४५) असे जखमी झालेल्याचे नाव आहे. या प्रकरणी जुल्फीफार शेख नावाच्या व्यक्ती विरुद्ध रात्री उशिरा लष्कर पोलीस (Police) ठाण्यात गुन्हा दाखल करण्यात आला. तौफिक शेख व जुल्फीकार शेख यांचे फॅशन स्ट्रीट परिसरात व्यवसाय आहेत.
या दोघात काही दिवसापासून वाद सुरू आहे. या वादातूनच काल गोळीबार झाला . मंगळवारी रात्री तौफिक फॅशन स्ट्रीट परिसरातील एका दुकानाजवळ थांबले होते. त्यावेळी जुल्फीकार तेथे आला आणि त्याने त्याच्याकडील छऱ्याच्या बंदुकीतून तोफिकवर गोळीबार केला. या गोळीबाराने परिसरात गोंधळ झाला. घटनेची माहिती मिळताच पोलीस दाखल झाले. पोलीस आरोपीचा शोध घेत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
