संजय गडदे
Mumbai News : मुंबईच्या (Mumbai) अंधेरी पश्चिमेकडील उच्चभ्रूची वस्ती असलेल्या लोखंडवाला परिसरात बीएमसी अधिकारी असल्याचे सांगून घरात घुसून जबरी चोरी करण्याचा प्रयत्न करणाऱ्या आरोपीस ओशिवरा पोलिसांनी (Police) अटक केली आहे. अटक करण्यात आलेल्या आरोपीचे नाव अक्षय असून आरोपीस ओशिवरा पोलिसांनी खार रेल्वे परिसरातून अटक केली आहे.
पोलिसांनी दिलेल्या माहितीनुसार लोखंडवाला आयर्लंड पार्कमध्ये राहणाऱ्या जैन यांच्या घरात नूतनीकरणाचे काम सुरू होते. यादरम्यान ११ नोव्हेंबर रोजी अक्षय नावाच्या इसमाने बीएमसी के वेस्ट मेंटेनन्स विभागातून आल्याचं सांगून घरात प्रवेश केला व घरात सुरू असलेलं रिन्यूएशनचं काम हे बेकायदेशीर आहे असं सांगून या कामावर कारवाई टाळण्यासाठी दहा हजार रुपये मागितले.
मात्र फिर्यादीने ते देण्यास नकार दिला असता आरोपीने त्यांच्या गळ्यातील चैन ओढून पळण्याचा प्रयत्न केला. या संबंधीची तक्रार फिर्यादी यांनी ओशिवरा पोलीस ठाण्यामध्ये स्वतः येऊन दिली. तक्रार दाखल झाल्यानंतर प्रकरणाचे गांभीर्य लक्षात घेऊन गुन्हे प्रकटीकरण पथकातील पोलिसांनी तपासासाठी पथक बनवले.
गुप्त बातमीदाराकडुन तसेच सीसीटीव्ही फुटेज मधील प्राप्त माहितीच्या आधारे गुन्ह्यातील आरोपीचा शोध घेतला गुप्तहेराने दिलेल्या माहितीनुसार आरोपी खार रेल्वे परिसरात येणार असल्याची खात्रीलायक माहिती मिळाल्याने सापळा रचून आरोपीला मोठ्या शिताफीने पकडण्यात आले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
