मुंबई: राज्यातील पेट्रोल (Petrol) पंप चालक ३१ मे रोजी आंदोलन करणार आहेत. एक दिवस इंधन खरेदी न करण्याचा निर्णय घेण्यात आला आहे. इंधन विक्री सुरू राहणार असून ग्राहकांना अडचण होणार नसल्याची माहिती पेट्रोल चालकांनी दिली.
इंधनाच्या दारात अचानक होणारी वाढ आणि घट, यामुळे पेट्रोल पंप चालकांना नुकसान सहन करावे लागत असल्याचं पेट्रोल (Petrol) पंप चालकांचं म्हणणं आहे. त्यामुळे एक दिवस इंधन खरेदी न करण्याचा निर्णय पेट्रोल पंपव चालकांनी घेताला आहे.
पेट्रोल, डिझेलमध्ये (Diesel) अचानक वाढ, आणि कमी केल्यामुळे पेट्रोल पंप चालकांना नुकसानीला समोरे जावे लागत आहे. त्यामुळे हे आंदोलन करण्यात येणार आहे. काही दिवसापूर्वी केंद्र सरकारने अचानक पेट्रोलचे दर ९ रुपये आणि डिझेलचे दर ७ रुपयांनी कमी केले, त्यामुळे मोठ्या तोट्याला पेट्रोल पंप चालकांना सोमोरे जावे लागले आहे.
देशात सातत्याने वाढणाऱ्या महागाईने लोकांच्या अडचणी वाढल्या आहेत. दरम्यान, 21 मे रोजी केंद्र सरकारने उत्पादन शुल्कात कपात केल्यामुळे पेट्रोल आणि डिझेलच्या दरात ही कपात झाली आहे. त्यामुळे जनतेला मोठा दिलासा दिला होता. त्यानंतर पेट्रोल आणि डिझेलच्या दरात कोणताही बदल झालेला नाही. केंद्र सरकारने तेलावरील उत्पादन शुल्क कमी केले होते. यानंतर काही राज्यांनी पेट्रोल आणि डिझेलवरील व्हॅटही कमी केला.
भारतीय तेल कंपन्यांनी आजचे नवीन पेट्रोल आणि डिझेलचे दर जाहीर केले आहेत. कंपन्यांनी इंधनाच्या किंमतीत कोणताही बदल केलेला नाही. गेल्या आठवड्यात सरकारने पेट्रोल आणि डिझेलचे दर कमी करण्याची घोषणा केली होती. त्यानंतर पेट्रोल 9.50 रुपयांनी तर डिझेल 7 रुपयांनी स्वस्त झाले आहे.
आजचे नवीन दर जाणून घ्या
- दिल्लीमध्ये पेट्रोल 96.72 रुपये आणि डिझेल 89.62 रुपये प्रति लिटर
- मुंबईमध्ये पेट्रोल 111.35 रुपये आणि डिझेल रु. 97.28 रुपये प्रति लिटर
- चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर
- कोलकातामध्ये पेट्रोल 106.03 रुपये आणि डिझेल 92.76 रुपये प्रति लिटर
- नोएडामध्ये पेट्रोल 96.57 रुपये आणि डिझेल 89.96 रुपये प्रति लीटर
- लखनऊमध्ये पेट्रोल 96.57 रुपये आणि डिझेल 89.76 रुपये प्रति लिटर
- जयपूरमध्ये पेट्रोल 108.48 रुपये आणि डिझेल 93.72 रुपये प्रति लिटर
- तिरुवनंतपुरममध्ये पेट्रोल 107.71 रुपये आणि डिझेल 96.58 रुपये प्रति लिटर
- पटनामध्ये पेट्रोल107.24 रुपये आणि डिझेल 94.04 रुपये प्रति लिटर
- गुरुग्राममध्ये पेट्रोल 97.18 रुपये आणि डिझेल 90.05 रुपये प्रति लिटर
- बेंगळुरूमध्ये पेट्रोल 101.94 रुपये आणि डिझेल 87.89 रुपये प्रति लिटर
- भुवनेश्वरमध्ये पेट्रोल 103.19 रुपये आणि डिझेल 94.76 रुपये प्रति लिटर
- चंदीगडमध्ये पेट्रोल 96.20 रुपये आणि डिझेल 84.26 रुपये प्रति लिटर
- हैदराबादमध्ये पेट्रोल 109.66 रुपये आणि डिझेल प्रति लिटर 109.62 रुपये
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.