Pune : गटारीची पार्टी ठरली काळरात्र; किरकोळ वादातून तरुणाला संपवलं, १० जणांना अटक

Pimpri Chinchwad Crime News : तरुणांच्या ग्रुपमध्ये किरकोळ कारणावरुन झालेल्या वादातून नऊ जणांच्या टोळक्याने एकाच्या पोटावर चाकूने वार करून खून केला आणि अन्य दोघांवर जीवघेणा हल्ला केला.
Pimpri Chinchwad Crime News
Pimpri Chinchwad Crime NewsSaam TV

पिंपरी चिंचवड: काल, गुरुवारी राज्यभरात गटारी अमावस्या साजरी करण्यात आली. गटारी साजरी करण्यासाठी मित्रांसोबत पार्टी (Gatari Party) करणं एका तरुणाच्या जीवावर बेतलं आहे. नदीच्या किनारी, मोकळ्या मैदानात आणि थंड हवेत गटारीची पार्टी सुरू होती. पार्टी ऐन रंगात असताना तरुणांमध्ये आपापसात वाद झाला आणि या वादात होत्याचं नव्हतं झालं. तरुणांच्या ग्रुपमध्ये किरकोळ कारणावरुन झालेल्या वादातून नऊ जणांच्या टोळक्याने एकाच्या पोटावर चाकूने वार करून खून (Murder) केला आणि अन्य दोघांवर जीवघेणा हल्ला केला. यापैकी एकजण गंभीर जखमी झाला आहे. ही घटना गुरुवारी (ता. २८) रात्री साडे सातच्या सुमारास वाकड गावठाण येथे घडली होती. (Pimpri Chinchwad Crime News)

हे देखील पाहा -

वाकड पोलिसांनी दिलेल्या माहितीनुसार, वाकड येथील मुळा नदी काठी मोकळ्या मैदानात मयत दीपक व अल्पवयीन आरोपी हे दोन वेगवेगळया ग्रुपमध्ये गटारी साजरी करण्यासाठी बसले होते. दुपारी दीपक याने अल्पवयीन आरोपीला तू माझ्या मित्राचा लहान भाऊ आहेस तू गुटखा, दारू व अन्य व्यसने करू नको असे म्हणत त्याच्या कानाखाली मारली. त्याने ही बाब अन्य मित्रांना सांगितली तेव्हा हे सर्वजण तिथून जाऊन सातच्या सुमारास वाकड गावठाण येथे थांबले. काही वेळाने दीपक येताच त्याच्यावर सर्वांनी हल्ला चढविला, सुरुवातीला त्याला दगड विटाने मारहाण झाली नंतर एकाने गाडीतील चाकु काढून दीपकच्या पोटावर वार केले. तर लखन याच्या डोके, हात आणि पोटावर वार करण्यात आले. याबाबत पुढील तपास वाकड पोलीस करीत आहेत.

Pimpri Chinchwad Crime News
Toll Plaza : टाेल वाल्यांचं करायचं काय खालती डोकं वरती पाय...! आमदार विनाेद निकाेलेंचा महामार्गावर ठिय्या

मिळालेल्या माहितीनुसार खंडू उर्फ दीपक गायकवाड (वय. १९, रा. म्हातोबा नगर, वाकड) असे खून झालेल्या तरुणाचे नाव असून लखन अंकुश लगस (वय. २२, रा. म्हातोबा नगर) हा गंभीर जखमी झाला आहे. त्याच्यावर खाजगी रुग्णालयात उपचार सुरू आहेत. तर आदित्य थोरात (वय. १९, रा. पॉलरीस हॉस्पिटल जवळ वाकड) हा किरकोळ जखमी झाला आहे. याप्रकरणी सुमित सावंत (वय. २१, रा. सायकर चाळ, वाकड), अमोल देशमुख (वय २४, रा. शेडगे वस्ती, वाकड), अभिषेक उर्फ नंदू कांबळे (वय. २०), सुजित लोंढे (वय. १८, दोघेही राहणार वाकड गावठाण), आशिष भिसे उर्फ मर्फी (वय. वाकड चौक), ब्रम्हा जाधव (वय. २०), महेश जाधव (वय. २४, रा. दोघेही वाघमारे कॉलनी, दत्त मंदिर रोड, वाकड), सौरभ जाधव (वय. १८, रा. सुतारवाडी, पाषाण) यांच्यासह एका १६ वर्षीय अल्पवयीन आरोपीला पोलिसांनी अटक केली असून खुनाचा गुन्हा दाखल करण्यात आला आहे.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com