Pimpri Chinchwad Crime News: पिंपरी चिंचवड शहरातील चिखली गावठाण परिसरात सोन्या तापकीर या युवकाची दिवसाढवळ्या गोळ्या झाडून हत्या करण्यात आली आहे. अज्ञात आरोपींनी आज दुपारी सोन्या तापकीरवर अंदाधुंद गोळीबार करुन त्याचा खून केला आहे.
गोळीबारात सोन्या तापकीर गंभीर जखमी झाला होता. पुढे उपचारादरम्यान त्याचा एका खाजगी रुग्णालयात मृत्यू झाला आहे. ह्या गोळीबारात आणि खुनाच्या घटनेमुळे पिंपरी चिंचवड शहरात पुन्हा एकदा कायदा व सुव्यवस्थेचा प्रश्न निर्माण झाला आहे. (Crime News)
काही दिवसापूर्वीच पिंपरी चिंचवड पोलीस आयुक्त हद्दीत शिरगाव येथील सरपंच प्रवीण गोपाळे याची गोळीबार करून धारदार शस्त्राने हत्या करण्यात आली होती. त्यानंतर तळेगाव येथील सामाजिक कार्यकर्ते किशोर आवारे यांची गोळीबार करून धारदार शस्त्राने हत्या करण्यात आली होती. (Latest News Update)
त्यानंतर आज पुन्हा एकदा चिखली परिसरात सोन्या तापकीर या तरुणावर गोळीबार करून हत्या करण्यात आल्याने पिंपरी-चिंचवड शहरात पुन्हा एकदा कायदा व सुव्यवस्थेचा प्रश्न निर्माण झाला आहे. सतत होणाऱ्या गोळीबार आणि खुनाचा घटनेमुळे पिंपरी चिंचवड पोलीस आयुक्तालय हद्दीतील नागरिक मोठ्या दहशतीखाली आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
