- सिद्धेश म्हात्रे
Navi Mumbai News : खांदेश्वर पोलीस ठाण्याच्या हद्दीत टेंभोडे (Tembhode Panvel) गावाजवळ असलेल्या खेळाच्या मैदानातील झाडीझुडपात 2 हॅन्ड ग्रॅनाईड सदृश्य वस्तू सापडल्याने एकच खळबळ उडाली होती. याबाबतची माहिती समजताच पोलीस आणि बॉम्ब शोधक पथकाने घटनास्थळी धाव घेतली. त्यानंतर प्लास्टिक कोटेड असलेले ते दाेन्ही बनावट हॅन्ड ग्रॅनाईड असल्याचे समोर आले. दरम्यान नागरिकांनी अफवांवर विश्वास ठेवू नये असे आवाहन पाेलीस उपायुक्त पंकज डहाणे यांनी केले आहे. (Maharashtra News)
पनवेल (panvel) जवळील टेंभोडे परिसरात असलेल्या झाडाझुडपात हॅण्डग्रेनेड सदृश्य वस्तू मिळल्याने परिसरात खळबळ उडाली होती. क्रिकेट मैदानाच्या शेजारील नाल्यालगत असलेल्या झाडीझुडपात हॅण्डग्रेनेड सदृश्य वस्तू मिळल्याने परिसरात खळबळ उडाली होती.
काही जागरूक नागरिकांनी या घटनेची माहिती खांदेश्वर पोलिसांना देताच त्यांनी तात्काळ घटनास्थळी दाखल होत परिसराची तपासणी केली. घटनेचे गांभीर्य ओळखून पोलिसांनी नवी मुंबई बॉम्ब शोध व निकामी पथकाला पाचारण केले. पथकाने बॉम्ब निकामी करणारा पेहराव परिधान करून यंत्र व श्वानपथकाच्या सहाय्याने हॅण्डग्रेनेड सदृश वस्तूची तपासणी केली.
या तपासणीत पथकाला सदर हॅण्डग्रेनेड सदृश्य वस्तूत कोणतेही स्फोटक पदार्थ आढळून आले नाही. तसेच ती रिकामी असल्याचे आढळून आले. सदर वस्तू या पथकाने ताब्यात घेतले असून ते कोणी व कशासाठी आणले याचा तपास करण्याचे आव्हान पोलिसांसमोर आहे.
दरम्यान साम टीव्हीशी बाेलताना पोलीस उपायुक्त पंकज डहाणे म्हणाले नागरिकांनी अफवांवर विश्वास ठेवू नये. त्या वस्तू स्फाेटक नव्हत्या हे तपासात निष्पन्न झाले आहे. हे 2 डमी हॅन्ड ग्रॅनाईड येथे कोणी आणून ठेवले याचा अधिक तपास खान्देश्वर पोलीस करत आहेत.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
