Pune Crime: पुण्यात टवाळखोरांची हिंमत वाढली; पोलिसांवर उचलला हात, गाडीची चावीही काढली, मग पोलिसांनी...

सदर घटना खडकी येथील त्यांगी शाळेसमोर सोमवारी रात्री अडीचच्या सुमारास घडली.
Beed Crime News
Beed Crime NewsSaam TV

पुणे : पुण्यात गुन्हेगारी घटनांमध्ये दिवसेंदिवस वाढ होत आहे. पोलिसही गुन्हेगारीचं प्रमाण कमी करण्यासाठी प्रयत्नशील आहेत. मात्र पुण्यातील एका घटनेमुळे पोलिसांच्याच सुरक्षेवर प्रश्नचिन्ह उपस्थित होत आहे. कारण पुण्यात टवाळखोरांनी पोलीस कर्मचाऱ्याला धक्काबुक्की केल्याची घटना समोर आली आहे. याप्रकरणी पाच जणांना अटक करण्यात आली आहे.

मिळालेल्या माहितीनुसार, काही टवाळखोर सार्वजनिक ठिकाणी मध्यरात्री स्पीकरवर गाणी लावून धिंगाणा घालत होते. पोलिसांना त्यांना हटकलं असता या टवाळखोरांनी पोलीस उपनिरीक्षकावर आणि चालकावर हात उगारुण धक्काबुक्की केली. यानंतर त्यांच्या जीपची चावी काढून घेत दमदाटी केली.

सदर घटना खडकी येथील त्यांगी शाळेसमोर सोमवारी रात्री अडीचच्या सुमारास घडली. याप्रकरणी पोलिसांनी सुमित मिश्रा, रसेल ऍल्वीस जॉर्ज, वृषभ पिल्ले, निशांत गायकवाड आणि सिध्दार्थ लोहाण यांना अटक करण्यात आली आहे.

पोलीस उपनिरीक्षक अर्जुन बेदगुडे हे रात्र गस्तीवर असताना आरोपी सार्वजनिक ठिकाणी स्पीकरवर गाणी लावून नाचत होते. यावेळी त्यांच्यामध्ये कोणते गाणे लावायचे यावरुन भांडण सुरु होतं. फिर्यादी अर्जुन यांनी स्पीकर बंद करायला सांगितल्यावर आरोपी त्यांच्या अगांवर धाऊन आले. यानंतर जीपचा चालक पोलीस शिपाई यांच्या गणवेशाची कॉलर पकडून धमकावू लागेल.

आम्ही कोण आहोत माहित आहे का? पोलीस असला तरी आमचे काही वाकडे करु शकणार नाही, अशी धमकी आरोपींना पोलिसांना दिली. यानंतर त्यांच्या जीपची चावी काढून घेतली. यानंतर पोलिसांनी कारवाई करत आरोपींना अटक केली आहे.प्रकरणाचा तपास पोलीस उपनिरीक्षक मगदुम करत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com