नवीन कुमार जिंदाल यांच्या अडचणी वाढल्या, पुण्यातही गुन्हा दाखल
Naveen Kumar Jindalsaam Tv

नवीन कुमार जिंदाल यांच्या अडचणी वाढल्या, पुण्यातही गुन्हा दाखल

नवीन कुमार जिंदाल यांच्या ट्विटमुळे सामजिक तेढ निर्माण झाल्यामुळे पोलिसांत तक्रार दाखल करण्यात आलीय.

पुणे : प्रेषित मोहम्मद पैगंबर (Prophet Muhammad) यांच्याबाबत अवमानकारक ट्विट केल्याप्रकरणी भाजपातून हकालपट्टी करण्यात आलेले नवीनकुमार जिंदाल (Naveen Kumar Jindal) यांच्यावर आता पुण्यातही गुन्हा दाखल करण्यात आला आहे. जिंदाल यांच्या ट्विटमुळे सामजिक तेढ निर्माण झाल्यामुळे कोंढवा पोलीस ठाण्यात (Police case filed) तक्रार दाखल करण्यात आलीय.

Naveen Kumar Jindal
मदत मागायला आलेल्या विधवा महिलेकडे मागितली खंडणी; राष्ट्रवादीच्या तालुकाध्यक्षाला अटक

कोंढवा मीठानगर येथील झाकीर इलियास शेख यांनी जिंदा यांच्याविरोधात तक्रार दिलीय. त्यानूसार, नवीनकुमार जिंदाल याच्यावर कोंढवा पोलीस ठाण्यात भारतीय दंड संहितेच्या १५३ (ए),१५३ (बी),२९५ (अ),२९८,५०५ (२) आदी कलमांनुसार गुन्हा दाखल करण्यात आला आहे.

पोलीसांनी दिलेल्या माहितीनुसार, नवीनकुमार जिंदाल यांनी प्रेषित मोहम्मद यांच्याबाबत सोशल मीडियावर आक्षेपार्ह टिप्पणी केली होती. त्यांच्या या टिपण्णीनंतर राज्यासह देशभरात पडसाद उमटले असून मुस्लिम समाज काल शुक्रवारी रस्त्यावर उतरला. जिंदाल आणि निलंबित भाजप प्रवक्त्या नुपूर शर्मा यांच्याविरोधात राज्यातील सोलापूर, नगरसह इतर शहरात मुस्लिम समाजाने मोठ्या प्रमाणात आंदोलन केले.

Naveen Kumar Jindal
'गांधी कुटुंबीयांना अडकवण्याचे मोदी सरकारचे षडयंत्र', ईडीच्या कार्यालयात कॉंग्रेसचा मोर्चा धडकणार

आंदोलकांविरोधात गुन्हेही दाखल करण्यात आले आहेत. दरम्यान, कोंढव्यातील कार्यकर्ते झाकीर यांनी देखील कोंढवा पोलीस ठाण्यात जिंदाल याच्याविरोधात तक्रार दिली. जिंदाल यांनी १ जून रोजी प्रेषित मोहम्मद पैगंबर यांच्या विवाहाविषयी वादग्रस्त ट्विट करत मुस्लिम धर्मियांच्या भावना दुखावणारे कृत्य केल्याचे तक्रारीत म्हटले आहे.

Edited By - Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com