- सुशिल थाेरात
Nagar News : नगर जिल्ह्यातील शेवगाव (shevgaon) शहरात साेमवारी रात्री दोन गटात वाद निर्माण झाला हाेता. त्यानंतर दगडफेक देखील झाली. या प्रकरणी पाेलिसांनी सुमारे 250 ते 300 जणांवर शेवगाव पोलीस ठाण्यात गुन्हा दाखल केला आहे. आत्तापर्यंत 31 जणांना पोलिसांनी ताब्यात घेतले आहे. सध्या शेवगाव येथे तणावपूर्ण शांतता असून पोलिसांचा मोठा बंदोबस्त तैनात करण्यात आला आहे. (Maharashtra News)
छत्रपती संभाजी महाराज जयंती ((chhatrapati sambhaji maharaj jayanti) निमित्त शेवगाव शहरात कार्यक्रम सुरु हाेता. त्यानंतर गाडीचा कट लागल्याचं कारणावरून दोन गटात दगडफेक झाल्याची माहिती स्थानिक नागरिकांकडून समोर येत आहे. या दगडफेकीत काही दुकानांचे तसेच वाहनांचे ही मोठ्या प्रमाणावर नुकसान झाले आहे. तसेच दोन ते तीन पोलीस जखमी झाले आहेत.
दरम्यान रविवारी छत्रपती संभाजी महाराजांच्या जयंतीनिमित्त शेवगावमध्ये मिरवणुकीचे आयोजन करण्यात आले होते. सायंकाळी साडेपाचच्या सुमारास मिरवणूक सुरू झाली. यामध्ये मोठ्या संख्येने तरुण सहभागी होते. मिरवणूक रात्री आठच्या सुमारास छत्रपती शिवाजी महाराज चौकात पोहोचली.
यावेळी अचानक मिरवणुकीच्या दिशेने एका गटाने दगडफेक केली, तर दुसऱ्या गटाने आमच्या धार्मिक स्थळावर आधी दगडफेक केल्याचा आरोप केला आहे.
पोलिसांनी रात्री उशिरा कोंबिंग ऑपरेशन राबवून या दंगलीत असलेल्या तरुणांना संशयावरुन अटक करण्याचे सत्र सुरू केले आहे. जिल्हा पोलीस अधीक्षक राकेश ओला यांच्यासह वरिष्ठ अधिकारी सध्या शेवगावात तळ ठोकून आहेत. पोलीस प्रशासनाने अफवांवर विश्वास न ठेवता शांततेचे आवहान केल आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
