पुण्यात धक्कादायक घटना! पोलीस कर्मचाऱ्याने पंख्याला गळफास लावून जीवन संपवलं

पुणे : येथील पोलीस प्रशासनात खळबळ माजवणारी घटना उघडकीस आली आहे. पुण्यातील शिवाजीनगर पोलीस ठाण्यात ( Shivajinagar Police) कार्यरत असणाऱ्या पोलीस कर्मचाऱ्याने राहत्या घरी आत्महत्या केल्याची धक्कादायक घटना घडली आहे. सुनील शिंदे (४८) असे आत्महत्या (police ends life) केलेल्या पोलीस कर्मचाऱ्याचे नाव आहे. शिंदे यांच्या आत्महत्येचे कारण अस्पष्ट असून पोलीस याप्रकरणी पुढील तपास करीत आहेत.

मिळालेल्या माहितीनुसार, शिंदे हे लोणी काळभोर भागात असणाऱ्या कदम वाकवस्ती मध्ये राहत होते. काल बुधवारी रात्री नेहमीप्रमाणे शिंदे त्यांच्या खोलीत झोपायला गेले. मात्र, आज सकाळपासूनच त्यांच्या खोलीचा दरवाजा बंद होता. त्यांच्या मुलाने आवाज देऊनही शिंदे यांनी दरवाजा उघडला नाही. त्यानंतर त्यांच्या मुलाने खिडकीतून पाहिले. त्यानंतर शिंदे यांनी पंख्याला गळफास लावून आत्महत्या केल्याचं त्याच्या निर्दशनास आलं. या धक्कादायक घटनेमुळं संपूर्ण परिसरात शोककळा पसरली आहे.

Edited By - Naresh Shende