नवनीत राणांच्या 'त्या' फोटोवर राजकारण चुकीचे; राजेश टोपेंनी शिवसेनेचे कान टोचले

मुंबई: खासदार नवनीत राणा (MP Navneet Rana) यांच्या लीलावती रुग्णालयातील फोटोवर आक्षेप घेत शिवसेनेने लीलावती रुग्णालयातील डॉक्टरांवर आरोप केले होते. या फोटोवरुन चांगलेच राजकारण तापले आहे. आता यावर आरोग्यमंत्री राजेश टोपे यांनी प्रतिक्रीया दिली आहे. टोपे यांनी शिवसेनेचे नाव न घेता टीका केली आहे. फोटोंच्याबाबत चर्चा करणे चुकीचे आहे. याचे राजकारण करणे चुकीचे आहे, अशी टीका मंत्री टोपे यांनी शिवसेनेवर (Shivsena)नाव न घेता केली.

खासदार नवनीत राणा (MP Navneet Rana) यांना जामीन मिळाल्यानंतर लीलावती रुग्णालयात दाखल करण्यात आले होते. यावेळी लीलावती रुग्णालयातील त्यांचे फोटो सोशल मीडियावर व्हायरल झाले होते. यावरुन शिवसेनेनं नवनीत राणा यांच्यावर टीका केली होती. शिवसेनेच्या पदाधिकाऱ्यांनी लीलावती रुग्णालयात भेट देवून डॉक्टरांना फोटो विषयी जाब विचारण्यात आला होता. यावेळी डॉक्टरांवर आरोप करण्यात आले होते.

नवनीत राणांच्या फोटो प्रकरणावर बोलताना टोपे म्हणाले, फोटो काढणे हा नियमाचा भाग नाही. फोटो काढून व्हायरल करणे, त्यांच्याबाबत चर्चा करणे, याचे राजकारण करणे चुकीचे आहे, असं टोपे (Rajesh Tope) म्हणाले आहेत.

कोरोना स्थितीवर बोलताना टोपे म्हणाले, रुग्णांची वाढण्याची गती कमी आहे. त्यामुळे चौथी लाट येणार असं नाही. सेंट्रल कौन्सिल झाली त्यात देशातील सगळे आरोग्य मंत्री होते. दिल्लीचे आरोग्यमंत्री, पंजाबचे आरोग्यमंत्री यांना मी रुग्णसंख्या वाढीबाबत प्रश्न विचारला, त्यावर त्यांनी केसेस वाढताहेत पण जास्त नाही. रुग्ण रुग्णालयात दाखल होत नाहीत, घरीच उपचार घेत आहेत, असं त्यांनी सांगितले. काळजी करण्याचा विषय नाही. राज्यातील रुग्णसंख्येवर माझे लक्ष आहे. जर वाढले तर आवश्यक ती करवाई करू, असंही टोपे (Rajesh Tope) म्हणाले.

Edited By- Santosh Kanmuse